شورت-ترەكتەن قازاقستان ۇلتتىق قۇراما كومانداسىنىڭ باس باپكەرٸ مەدٸعالي قارسىبەكوۆ ٶز كومانداسىنىڭ ويىنىنا باعا بەردٸ, دەپ حابارلايدى قازاقپارات.
«بۇل - ابزال ەجٸعاليەۆ مەن دەنيس نيكيشادا ٷشٸنشٸ وليمپيادا, قالعاندارى بٸرٸنشٸ رەت قاتىسىپ تۇر. بٸرٸنشٸ ديستانتسييادا كوماندامىز بەسٸنشٸ ورىنعا شىقتى, بۇل - بٸز ٷشٸن جوعارى نەتيجە. 12 كوماندا مەدالعا تالاستى, بٸزدٸڭ ۇل-قىزدارىمىز قۇلاماي, بارلىق ەرەجەسٸمەن دۇرىس ٶتتٸ. دەگەنمەن, قىزدارىمىزدىڭ نەتيجەسٸ ەلٸ دە تٶمەنٸرەك. دەنيس پەن ابزال, ەدٸل – جاقسى سپرينتەرلەر. قىزداردىڭ سپرينتەرلٸگٸ جەتٸسپەگەندٸكتەن مەدالعا تالاسا المادى. سول دايىندىعىمەن بەسٸنشٸ ورىنعا جەتكەنٸ – جاقسى نەتيجە», - دەدٸ جاتتىقتىرۋشى قر ۇوك ۇيىمداستىرعان ZOOM-كونفەرەنتسييادا.
سونىمەن بٸرگە, قارسىبەكوۆ شورت-ترەكشٸ ەدٸل عالياحمەتوۆتٸڭ كٶرسەتكٸشٸنە پٸكٸر بٸلدٸردٸ.
«سايىسقا 10 ادام شىققان سوڭ, ولاردى باسىپ وزۋ قيىن. بٸر جاعىنان شەبەرلٸگٸ دە جەتپەدٸ. زاڭ بويىنشا التى ادام جارىسقا شىققاندا, جوعارى نەتيجە كٶرسەتەر ەدٸ. بٸراق ەدٸلدٸڭ ٶزٸ – تابيعاتىنان تالانتتى بالا. بٸزدە ونداي كٶپسايىسشى سپورتشى بولماعان. ول 500 مەترگە دە, 1000, 1500 جەنە 3 مىڭ مەترگە دە جٷگٸرەدٸ. ەلەم چەمپيوناتى باستالعاندا جٷلدەلٸ بولادى دەپ ٷمٸتتەنەمٸز», - دەدٸ مەدٸعالي قارسىبەكوۆ.
ايتا كەتەيٸك, 23 جاستاعى عالياحمەتوۆ ەرەسەكتەر اراسىنداعى وليمپياداعا العاش رەت قاتىسىپ, بٸرٸنشٸ مٷمكٸندٸگٸندە-اق فينالعا جولداما الدى.
