14 qańtarda Astanada jeti jasar shóberesine qatysty jynystyq sipattaǵy zorlyq-zombylyq áreketterin jasaǵan qariiaǵa qatysty qylmystyq is boiynsha sot úkimi shyqty, dep habarlaidy Ult.kz #NeMolchiKZ qoryna silteme jasap.
82 jastaǵy er adamǵa QR QK 121-babynyń 4-bóligi boiynsha 20 jylǵa bas bostandyǵynan aiyrý jazasy taǵaiyndaldy. Sotta jáne tergeý barysynda qylmys ústinde kórgen kýágerler jaýap berdi. Sondai-aq aiyptalýshynyń kinási tolyq dáleldendi.
"2025 jylǵy 5-inen 6-sáýirine qaraǵan túni, oqiǵa bolǵan boida, balany saraptamaǵa aparar kezde biz advokat izdep, túni boiy keńes aldyq, bári qiyndyqsyz ótýi úshin áreket ettik. Mundai jaǵdaida tergeý kezeńiniń basynda-aq tiisti organdarǵa júginip, aryz berý óte mańyzdy", - degen qor ókilderi bul úkimdi ádil dep sanaityndaryn jáne iske alǵashqy kúnderi-aq aralasqan advokatqa alǵys aitty.
#Nemolchi qorynyń baiandaýynsha qylmysker bir táýlik boiy izin jasyryp, qashyp júrgen.
"Óz atymnan jáne #Nemolchi qory atynan qyzdyń anasyna onyń batyldyǵy men durys tańdaýy úshin alǵys bildiremin. Kóp adam «ol qart qoi, úidi jaýyp, kóship ketý kerek edi, qylmystyq isten bas tartýǵa bolatyn edi» deýi múmkin. Bul — qate pikir. Atasy bolǵany úshin oǵan eshqandai jeńildik jasalǵan joq. Onyń ústine, halyqaralyq quqyq normalaryna sai, ol qylmys ústinde ustalǵanda qashyp ketip, politsiia ustaǵanǵa deiin bir táýlikke jýyq izin jasyrýǵa tyrysqan", - dep otyr #Nemolchi qory.
Qyz áli de aýyr jaǵdaida, anasyna da kómek qajet eken.
"Biraq olar bárine tótep berdi. Anasy balasyna árdaiym onyń janynda, qorǵany bolatynyn dáleldedi", - dedi qor.
