14 قاڭتاردا استانادا جەتٸ جاسار شٶبەرەسٸنە قاتىستى جىنىستىق سيپاتتاعى زورلىق-زومبىلىق ەرەكەتتەرٸن جاساعان قاريياعا قاتىستى قىلمىستىق ٸس بويىنشا سوت ٷكٸمٸ شىقتى, دەپ حابارلايدى Ult.kz #نەمولچيKZ قورىنا سٸلتەمە جاساپ.
82 جاستاعى ەر ادامعا قر قك 121-بابىنىڭ 4-بٶلٸگٸ بويىنشا 20 جىلعا باس بوستاندىعىنان ايىرۋ جازاسى تاعايىندالدى. سوتتا جەنە تەرگەۋ بارىسىندا قىلمىس ٷستٸندە كٶرگەن كۋەگەرلەر جاۋاپ بەردٸ. سونداي-اق ايىپتالۋشىنىڭ كٸنەسٸ تولىق دەلەلدەندٸ.
"2025 جىلعى 5-ٸنەن 6-سەۋٸرٸنە قاراعان تٷنٸ, وقيعا بولعان بويدا, بالانى ساراپتاماعا اپارار كەزدە بٸز ادۆوكات ٸزدەپ, تٷنٸ بويى كەڭەس الدىق, بەرٸ قيىندىقسىز ٶتۋٸ ٷشٸن ەرەكەت ەتتٸك. مۇنداي جاعدايدا تەرگەۋ كەزەڭٸنٸڭ باسىندا-اق تيٸستٸ ورگاندارعا جٷگٸنٸپ, ارىز بەرۋ ٶتە ماڭىزدى", - دەگەن قور ٶكٸلدەرٸ بۇل ٷكٸمدٸ ەدٸل دەپ سانايتىندارىن جەنە ٸسكە العاشقى كٷندەرٸ-اق ارالاسقان ادۆوكاتقا العىس ايتتى.
#نەمولچي قورىنىڭ بايانداۋىنشا قىلمىسكەر بٸر تەۋلٸك بويى ٸزٸن جاسىرىپ, قاشىپ جٷرگەن.
"ٶز اتىمنان جەنە #نەمولچي قورى اتىنان قىزدىڭ اناسىنا ونىڭ باتىلدىعى مەن دۇرىس تاڭداۋى ٷشٸن العىس بٸلدٸرەمٸن. كٶپ ادام «ول قارت قوي, ٷيدٸ جاۋىپ, كٶشٸپ كەتۋ كەرەك ەدٸ, قىلمىستىق ٸستەن باس تارتۋعا بولاتىن ەدٸ» دەۋٸ مٷمكٸن. بۇل — قاتە پٸكٸر. اتاسى بولعانى ٷشٸن وعان ەشقانداي جەڭٸلدٸك جاسالعان جوق. ونىڭ ٷستٸنە, حالىقارالىق قۇقىق نورمالارىنا ساي, ول قىلمىس ٷستٸندە ۇستالعاندا قاشىپ كەتٸپ, پوليتسييا ۇستاعانعا دەيٸن بٸر تەۋلٸككە جۋىق ٸزٸن جاسىرۋعا تىرىسقان", - دەپ وتىر #نەمولچي قورى.
قىز ەلٸ دە اۋىر جاعدايدا, اناسىنا دا كٶمەك قاجەت ەكەن.
"بٸراق ولار بەرٸنە تٶتەپ بەردٸ. اناسى بالاسىنا ەردايىم ونىڭ جانىندا, قورعانى بولاتىنىن دەلەلدەدٸ", - دەدٸ قور.
