Shyǵys Qazaqstan oblysy Ridder orman sharýashylyǵynda shyqqan tilsiz jaý tolyqtai aýyzdyqtaldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 12 mamyr saǵat 14.30-daǵy jaǵdai boiynsha, jalpy aýdany 272,4 gektardy sharpyǵan dala órti óshirildi.
«Qyzyl jalyn osydan eki kún buryn saǵat 13.55-te Ridder orman sharýashylyǵynda shyqqan bolatyn. Ekpini sekýndyna 20 metrge deiin jetken jeldiń saldarynan órtti sóndirý qiynǵa soqty. Tilsiz jaýmen kúreske jeke quramnan 493 adam, 69 tehnika jáne 2 tikushaq jumyldyryldy», - dep habarlady vedomstvo ókilderi.
Esterińizge sala ketsek, 10 mamyrda Shyǵys Qazaqstandaǵy Ridder orman sharýashylyǵynda alapat órt shyqty. Órtten 1 adam qaza taýyp, taǵy ekeýi jaraqattandy.
Saldarynan bes kóshede 31 úi, 5 jeńil avtokólik jáne jeti ýchaskede sharýashylyq qurylystary, sondai-aq TQS úi-jaiy órtenip ketti.
Órtengen úilerde 72 adam, onyń ishinde 11 bala turǵan. Qazir 13 azamat jataqhanaǵa, qalǵandary týystarynyń úilerine ornalastyryldy.
Órtti sóndirýge 493 jeke quram, 69 birlik tehnika, 2 tikushaq jumyldyryldy.
Keiinirek Memleket basshysy Úkimet pen Shyǵys Qazaqstan oblysynyń ákimdigi tilsiz jaýdan zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
11 mamyr kúni, saǵat 18.20-da órttiń taralýy toqtatyldy.
Qala ákimdiginde qurylǵan komissiia turǵyn úilerge qatysty materialdyq shyǵyndy anyqtaýǵa kiristi.
