Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Aimaq

ShQO-nyń bólinýi turǵyndar arasynda qyzý pikirtalas týdyrdy

Ult portaly
ShQO-nyń bólinýi turǵyndar arasynda qyzý pikirtalas týdyrdy

Foto Tengrinews.kz/Turar Qazanǵapov

Prezident Qasym-Jomart Toqaev Joldaýynda Shyǵys Qazaqstan oblysyn ekige bólip, Abai oblysyn qurý týraly jariialaǵannan keiin jergilikti turǵyndar arasynda qyzý pikirtalas týyndady, - dep habarlaidy Tengrinews.kz tilshisi YK-news.kz saityna silteme jasap.

Halyq arasynda 1997 jylǵa deiingi Shyǵys Qazaqstan men Semei oblystarynyń aýmaǵy burynǵy shekaralarynda qaldy degen pikir keń taraǵan. Bul aimaqtardyń shekarasyn Tarbaǵatai jáne Kókpekti aýdandary bóledi. Áleýmettik jelilerde qazir Kókpekti aýdanynyń quramyna kiretin burynǵy Samar aýdany turǵyndarynyń ózderin Shyǵys Qazaqstan oblysynyń quramyna qaita bólý týraly petitsiiasy tarap jatyr (kartada - 2b).

Budan bólek, qazirgi Tarbaǵatai aýdanynyń bir bóligi 1997 jylǵa deiin Aqsýat aýdany (1A) retinde Semei oblysynyń quramyna kirdi, endi osy jerler jańa ákimshilik-aýmaq quramyna ótýi múmkin.

Sondai-aq, ShQO quramynda buryn bolǵan Tavriia, Marqakól jáne Bolshenarym aýdandaryn bólý máselesi týyndap otyr.

Buǵan deiin Prezident Qasym-Jomart Toqaev Semei aimaǵynda Abai oblysyn qurýdy usynǵan edi. . 

"Semei aimaǵynda Abai oblysyn qurýdy usynamyn. Semei qalasy jańa oblystyń ortalyǵy bolady. Osy máseleni aimaq turǵyndary kópten beri aityp júrgenin bilemin. Qazir ol jaqta sheshimin tappaǵan túitkilder az emes. Mysaly, aimaqtyń ishki infraqurylymy ábden tozǵan", - dedi Toqaev.

Oqi otyryńyz