Shyǵys Qazaqstan oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaev Óńirlik kommýnikatsiialar qyzmetinde ótken brifing barysynda 10 qarashada shyqqan №24 qaýlynyń tarmaqtaryna toqtalyp ótti.
Shyǵys Qazaqstanda 10 qarashada koronavirýstyq infektsiiany juqtyrýdyń 237 jańa jaǵdaiy tirkeldi, dep habarlaidy "Ult aqparat" oblystyń Aqparat ortalyǵyna silteme jasap.
Ortalyq tartqan málimetterge qaraǵanda, jańa qaýly talaptaryna sáikes karaoke, biliard, kompiýterlik klýbtar, túngi klýbtar, boýling – ortalyqtar, jabyq úi-jailardaǵy balalar oiyn alańdary men attraktsiondary, kinoteatrlar, býkmekerlik keńseler, fýdkort siiaqty oiyn-saýyq mekemeleriniń jumysy toqtatyldy.
Óskemen, Ridder, Serebriansk qalalarynda jáne Altai aýdanynyń Jańa Buqtyrma kentinde epidemiologiialyq jaǵdaidyń kúrdelenýine bailanysty kinoteatrlardyń, monshalardyń, saýnalardyń, basseinderdiń, teatrlardyń, mádeniet obektileriniń, kitaphanalardyń, mýzeilerdiń, fitnes-ortalyqtardyń jáne sporttyq-saýyqtyrý ortalyqtarynyń, trenajer zaldarynyń, sport keshenderiniń, SPA-ortalyqtardyń jumys isteýine tyiym salyndy.
Qoǵamdyq tamaqtandyrý obektileri endi demalys jáne mereke kúnderi qyzmetin toqtata otyryp, saǵat 7-den 22.00-ge deiin jumys istei alady. Bul rette, osy obektiler jetkizý jáne alyp ketý tártibin saqtai otyryp, shekteýsiz onlain rejimde jumys istei alady.
Azyq-túlik satpaityn saýda nysandarynyń, sulýlyq salondarynyń, shashtarazdardyń, kólik jýý oryndarynyń, kir jýý oryndarynyń, fotosalondardyń, biznes ortalyqtardyń jáne basqa da keńse ǵimarattarynyń jumys rejimi mereke jáne demalys kúnderi qyzmetin toqtata otyryp, tańǵy saǵat 7-den 19.00-ge deiin bolyp belgilendi.
- 5 jasqa deiingi balalardv, ashyq alańda sportpen shuǵyldanatyn jáne jeke kólikte otyrǵan adamdardy esepke almaǵanda, barlyq jeke tulǵalar úshin meditsinalyq maska taǵý rejimin saqtaý talap etiledi.
«65 jasqa deiingi azamattarǵa jáne sozylmaly aýrýlary bar adamdarǵa úiden dárihanaǵa shyǵýǵa, tólem jasaý, kommýnaldyq qyzmetterdi tóleý jáne saýda jasaý úshin mekemelerge, jumysqa barýǵa ruqsat etiledi», - dep atap ótti Talǵat Tuńǵyshbaev.
Esterińizge sala keteiik, Shyǵys Qazaqstan koronavirýs juqtyrýdyń eń joǵary kórsetkishine bailanysty «qyzyl aimaqqa» endi. Sondai-aq, atalǵan qaýlyǵa sáikes shekteý sharalary Shyǵys Qazaqstan oblysynyń barlyq aýmaǵynda 2020 jylǵy 25 qarashaǵa deiin uzartyldy.
