Fotokollaj: Azattyq Ruhy / Ábilqasym Esentaev
QMA Shyǵys Qazaqstan oblysy boiynsha Departamenti «Chia Tai - Tianqing Pharmaceutical» qarjy piramidasyn qurý jáne basqarý kúdigi boiynsha sotqa deiingi tergep-tekserý júrgizip jatyr, dep habarlaidy "Ult aqparat" Qarjylyq monitoring agenttigine silteme jasap.
Atalǵan firmany uiymdastyrýshylar 2022 jyldyń qazan aiynan 2023 jyldyń sáýir aiyna deiin «Telegram» messendjeri arqyly jalǵan farmatsevtikalyq kompaniia bolyp tanylyp, salymshylardan zańsyz aqsha alǵan.
Qarjy piramidasyna Shyǵys Qazaqstan oblysy boiynsha 234 azamat 350 mln teńgeden astam qarajat salǵan.
«Is boiynsha qarjylyq piramidanyń qurylymdyq bólimshesiniń basshysyna sot sanktsiiasymen «Qamaqta ustaý» bultartpaý sharasy qoldanyldy.
Tergeý jalǵasýda. QR QPK-niń 201-babyna sáikes, ózge málimetter tergeý múddesi aiasynda jariia etilýge jatpaidy.
Qarjy piramidalaryn qurý qylmystyq jaýapkershilikke ákep soǵatynyn jáne múlkin tárkileýmen 10 jylǵa deiin bas bostandyǵynan aiyrý túrindegi jazany qarastyratynyn eskertemiz. Eger Siz jáne Sizdiń jaqyndaryńyz qarjy piramidasynyń áreketinen zardap shekse, turǵylyqty jerińiz boiynsha ETTD habarlasýyńyzdy suraimyz» - delingen habarlamada.
