Shyǵys Qazaqstan oblysyndaǵy «Tarbaǵatai Munai» kompaniiasyna Qytaiǵa gaz eksporttaýǵa tyiym salynýy múmkin, dep habarlaidy QazAqparat.
Aimaq basshysy Danial Ahmetov «Tarbaǵatai Munai» kompaniiasyna QHR-ǵa gaz eksporttaýǵa tyiym salý máselesi boiynsha jinalys ótkizdi.
«Bul kompaniia Zaisan aýdanynyń ortalyǵy men birneshe kentti kógildir otynmen qamtamasyz etip otyr. 2024 jylǵa deiin taǵy segiz eldi mekendi gazdandyrý qajet. Bul rette qazirgi qory eń kóp degende 12-13 jylǵa jetedi. Kompaniia basshylyǵy aldaǵy ýaqytta úlken shyǵynǵa ushyraitynyn, olardy Qytaiǵa 75 million tekshe metr gaz eksporty ǵana qutqaratynyn aityp otyr», - dedi oblys ákimi.
Alaida kásiporyn damý josparyn usynbai, Zaisan aýdanynyń turǵyndaryn gazben úzdiksiz qamtamasyz etetindigine kepildik bergen joq.
«Kompaniia 2015 jyldan bastap gaz baǵasyn 6 ese kóterdi. Kásiporynnyń menedjmenti kóptegen suraq týdyrady. Premer-Ministrdiń birinshi orynbasary Roman Skliar Energetika ministrligine gaz óndirýshi kompaniianyń búkil sharttary men mindettemelerin qaita qaraýdy tapsyrǵan», - dedi Danial Ahmetov.
Onyń aitýynsha, beiindi ministrlik ókilderi men kásiporyn basshylyǵy 11 mamyrda aýdan turǵyndarymen kezdesip, tolǵandyrǵan barlyq suraqtarǵa jaýap berip, Zaisandy gazben úzdiksiz qamtamasyz etý týraly memorandýmǵa qol qoiýy tiis.
Eger talaptar oryndalmasa, «Tarbaǵatai Munai» kompaniiasyna shetelge gaz eksporttaýǵa tyiym salynady.
