شىعىس قازاقستان وبلىسىنداعى «تارباعاتاي مۇناي» كومپانيياسىنا قىتايعا گاز ەكسپورتتاۋعا تىيىم سالىنۋى مٷمكٸن, دەپ حابارلايدى قازاقپارات.
ايماق باسشىسى دانيال احمەتوۆ «تارباعاتاي مۇناي» كومپانيياسىنا قحر-عا گاز ەكسپورتتاۋعا تىيىم سالۋ مەسەلەسٸ بويىنشا جينالىس ٶتكٸزدٸ.
«بۇل كومپانييا زايسان اۋدانىنىڭ ورتالىعى مەن بٸرنەشە كەنتتٸ كٶگٸلدٸر وتىنمەن قامتاماسىز ەتٸپ وتىر. 2024 جىلعا دەيٸن تاعى سەگٸز ەلدٸ مەكەندٸ گازداندىرۋ قاجەت. بۇل رەتتە قازٸرگٸ قورى ەڭ كٶپ دەگەندە 12-13 جىلعا جەتەدٸ. كومپانييا باسشىلىعى الداعى ۋاقىتتا ٷلكەن شىعىنعا ۇشىرايتىنىن, ولاردى قىتايعا 75 ميلليون تەكشە مەتر گاز ەكسپورتى عانا قۇتقاراتىنىن ايتىپ وتىر», - دەدٸ وبلىس ەكٸمٸ.
الايدا كەسٸپورىن دامۋ جوسپارىن ۇسىنباي, زايسان اۋدانىنىڭ تۇرعىندارىن گازبەن ٷزدٸكسٸز قامتاماسىز ەتەتٸندٸگٸنە كەپٸلدٸك بەرگەن جوق.
«كومپانييا 2015 جىلدان باستاپ گاز باعاسىن 6 ەسە كٶتەردٸ. كەسٸپورىننىڭ مەنەدجمەنتٸ كٶپتەگەن سۇراق تۋدىرادى. پرەمەر-مينيستردٸڭ بٸرٸنشٸ ورىنباسارى رومان سكليار ەنەرگەتيكا مينيسترلٸگٸنە گاز ٶندٸرۋشٸ كومپانييانىڭ بٷكٸل شارتتارى مەن مٸندەتتەمەلەرٸن قايتا قاراۋدى تاپسىرعان», - دەدٸ دانيال احمەتوۆ.
ونىڭ ايتۋىنشا, بەيٸندٸ مينيسترلٸك ٶكٸلدەرٸ مەن كەسٸپورىن باسشىلىعى 11 مامىردا اۋدان تۇرعىندارىمەن كەزدەسٸپ, تولعاندىرعان بارلىق سۇراقتارعا جاۋاپ بەرٸپ, زايساندى گازبەن ٷزدٸكسٸز قامتاماسىز ەتۋ تۋرالى مەموراندۋمعا قول قويۋى تيٸس.
ەگەر تالاپتار ورىندالماسا, «تارباعاتاي مۇناي» كومپانيياسىنا شەتەلگە گاز ەكسپورتتاۋعا تىيىم سالىنادى.
