ShQO máslihaty hatshysynyń qos azamattyǵy týraly derek tekserilip jatyr, - dep habarlaidy "Ult aqparat" Shyǵys Qazaqstan oblysy ákiminiń baspasóz qyzmetine silteme jasap.
"Shyǵys Qazaqstan oblystyq máslihatynyń hatshysy V.M. Golovatiýkte Qazaqstan Respýblikasy men Resei Federatsiiasynyń qos azamattyǵy bar bolýy týraly qazaqstandyq Internet-resýrstarda ornalastyrylǵan aqparat boiynsha 2017 jyldyń 25 qańtarynda oblys ákimdiginde óńirdiń quqyq qorǵaý organdarynyń qatysýymen keńes ótip, onda atalmysh másele boiynsha burynǵy jumys týraly aqparat tyńdaldy", - delingen habarlamada.
Sonymen qatar, keńestiń qorytyndysy boiynsha kórsetilgen faktilerdi tekserýdi jalǵastyrý týraly sheshim qabyldanǵany aitylady.
Eske salaiyq, osyǵan deiin BAQ-tarda Vladimir Golovatiýktiń Reseidiń jáne Qazaqstannyń azamattyǵy bar ekendigi jaily málimet taraǵan bolatyn. Sol málimet boiynsha, Golovatiýk Vladimir Mihailovich degen azamat 1998 jyldyń 12 tamyzynda Resei Federatsiiasynyń "Azamattyq týraly" zańynyń 3-babynyń tártibinde Reseidiń Astanadaǵy elshiliginiń konsýldyǵynda Resei azamattyǵyn alǵan delinedi.
Al, Respýblika Konstitýtsiiasynyń 10-babynyń 3-tarmaǵynda "Respýblika azamatynyń basqa memlekettiń azamattyǵynda bolýy tanylmaidy" delingen.
