Semei qalasyndaǵy Iadrolyq meditsina jáne onkologiia ortalyǵynyń qyzmetkerleri 55 jastaǵy er adamǵa ota jasap, ókpesinen kólemi taýyq jumyrtqasyndai isikti alyp tastady, dep habarlaidy "Ult aqparat".
Naýqas onkolog-dárigerlerge ókpeniń tómengi bóligindegi isikke bailanysty júgingen. Tekserýden jáne operatsiiaǵa deiingi daiyndyqtan keiin ol Iadrolyq meditsina jáne onkologiia ortalyǵyna jatqyzyldy. Hirýrgter isikti torakoskopiialyq ádispen alyp tastady.
Ókpeden alynǵan kólemi taýyq jumyrtqasyndai isik zerthanaǵa gistologiialyq zertteýge jiberildi. Sonyń nátijesine orai odan keiingi em-dom taǵaiyndalmaq.
Aita keteiik, otany Iadrolyq meditsina ortalyǵynyń onkohirýrgiia bóliminiń meńgerýshisi Shyńǵys Ádilǵazyuly jasady. Hirýrgtiń kómekshisi - Ámirjan Abeshov, meiirbike - Aigúl Baiahmetova, anesteziolog - Symbat Qairashova. Qazir naýqastyń jaǵdaiy qalypty.
