Shyǵys Qazaqstandaǵy orman órtiniń alǵashqy yqtimal sebepteri belgili boldy, dep habarlaidy QazAqparat.
Tótenshe jaǵdailar ministrliginiń resmi ókili Talǵat Ýáli BAQ ókilderine Ridder qalasynyń Leshoz kentindegi orman órtiniń alǵashqy yqtimal sebepterin atady.
«Aldyn ala berilgen aqparat boiynsha mamandar qasaqana órteý jáne otty abaisyz qoldaný nusqalaryn qarastyrýda. «Qaziviaormankúzetiniń» Mi-8 tikushaǵymen órtti áýeden sóndirý jumystarynyń nátijesinde búgin saǵat 07.00-de eldi meken aýmaǵyndaǵy órt sóndirildi. Orman órti perimetriniń shetinde ashyq janý joq. Qazirgi ýaqytta jekelegen ýchaskelerde aǵash dińderin sóndirý júrgizilýde», - dedi Talǵat Ýáli.
Resmi ókildiń málimeti boiynsha, zardap shekkenderdiń sany sol qalpy. Bir adam kóz jumyp, eki adam aýrýhanaǵa túsken.
«Jedel járdem jelisi boiynsha Leshoz kentinen 1949 jáne 1980 jyly týǵan eki er adam kúiik shalyp, jergilikti aýrýhananyń reanimatsiia bólimine jetkizilgeni týraly aqparat kelip tústi. Órt ornynda 1948 jyly týǵan áieldiń máiiti tabyldy», - dedi ministrlik ókili.
