Tótenshe jaǵdailar ministrligi áýeden júrgizgen baqylaý negizinde Ridderdegi orman órtiniń aýmaǵyn qaita naqtylady, dep habarlaidy "Ult aqparat".
Bul týraly Tótenshe jaǵdailar ministrliniń resmi ókili Talǵat Ýáli aitty.
«Saǵat 07.30-da barlaý júrgizý jáne órt alańyn naqtylaý úshin «Qaziviaormankúzetiniń» tikushaǵymen áýeden qabylaý júrgizildi. Onyń qorytyndysy boiynsha órt alańy – 283 gektar bolyp naqtylandy», - dedi ol.
Resmi ókil órtti sóndirýge jergilikti atqarýshy organdardyń, oblystyq tótenshe jaǵdailar departamentiniń, órt sóndirý bólimsheleriniń jáne orman sharýashylyǵynyń 493 qyzmetkeri, 69 tehnika jáne 2 tikushaq jumyldyrylǵanan eske saldy.
«Kúshter men quraldardy biryńǵai basqarýdy uiymdastyrý úshin órt ornynda quramynda orman qorǵaý mekemesi, tótenshe jaǵdailar departamenti men Ridder qalasy ákimdiginiń ókilderi bar órt sóndirý shtaby uiymdastyryldy. Sonymen qatar, ministrlik pen jergilikti departamenttiń daǵdarys ortalyqtarynda jedel shtabtar quryldy. Vitse-ministr Marat Kúldikov bastaǵan jedel top órt ornynda jumys júrgizýde», - deidi Talǵat Ýáli.
Esterińizge sala ketsek, 10 mamyr kúni ShQO-daǵy Ridder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke bailanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
Tótenshe jaǵdailar ministrliginiń resmi ókili Talǵat Ýáli BAQ ókilderine Ridder qalasynyń Leshoz kentindegi orman órtiniń alǵashqy yqtimal sebepterin atady.
QR Ishki ister ministrligi Shyǵys Qazaqstan oblysy Ridder qalasyndaǵy órt faktisi boiynsha sotqa deiingi tergeýdi bastady.
