QR Ekologiia, geologiia jáne tabiǵi resýrstar ministri Maǵzum Myrzaǵaliev Shyǵys Qazaqstan oblysynyń turǵyndaryna óńirdegi ekologiialyq problemalardy sheshýdiń jol kartasy jobasyn tanystyrdy, dep habarlaidy "Ult aqparat".
Vedomstvonyń Telegram kanalyndaǵy aqparatqa sáikes, jol kartasy aiasynda aldaǵy jyldary Ridder metallýrgiialyq kesheninde atmosferalyq siltisizdendirý tsehyn salý, óndiris oryndarynan aýaǵa shyqqan qaldyqqa monitoring jasaýdyń avtomattandyrylǵan júiesin engizý, jeke sektordy ortalyq jylýmen jabdyqtaý júiesine qosý, oblys qalalarynda lastaýshy zattarǵa saraptama jasaityn zamanaýi zerthanalar salý, aǵash otyrǵyzý kólemin arttyrý sekildi 30-ǵa jýyq is-shara josparlanǵan.
«Jergilikti halyq qorshaǵan ortanyń jaǵdaiyna bailanysty istelip jatqan jumystar týraly bilýi tiis. Sondyqtan Jol kartasyn birlesip daiyndaýǵa shaqyramyn, biz barlyq usynystardy tyńdap, eskerýge daiynbyz. Jol kartasy mazmundy, júzege asatyndai, biraq ambitsiozdy bolýy kerek. Óńirde problemalar ondaǵan jyldar boiy jinalyp qalǵanyn bilesizder. Sondyqtan olar birden sheshile qoimaidy. Degenmen óndiristik óńirdegi qorshaǵan ortanyń jaǵdaiyn jaqsartý úshin bar kúshti salýymyz qajet»,- dedi Maǵzum Myrzaǵaliev oblys jurtshylyǵymen ótken Zoom-konferentsiiada.
Jol kartasy usynystar qabyldanǵannan keiin qoǵam ókilderine qaita tanystyrylady.
Onlain-kezdesýde eko-belsendiler men ǵalymdar atmosferalyq aýanyń lastanýy, oǵan qatysty qabyldanyp jatqan sharalar týraly suraqtar qoidy. Pikirlerin ortaǵa saldy. Ekologiialyq monitoring posttarynyń sanyn kóbeitýdi surady.
Ministr Ekologiialyq kodekste naqty qadamdar kórsetilgenimen, óńirdegi qorshaǵan orta jaǵdaiyn retteý boiynsha jyldamyraq áreket qajettigin alǵa tartty.
«Eýropa «Eń ozyq qoljetimdi tehnologiialar» arqyly ekologiialyq ahýaldy jaqsartýǵa 15 jyl jumsaǵanyn bilemiz. Biz Ekologiialyq kodekste bul merzimdi de eskerdik. Biraq jyldar boiy kútip, qarap otyra almaimyz. Barynsha tezirek áreket etýimiz kerek. Halyqpen, jergilikti atqarýshy organ ókilderimen bas qosyp otyrǵanymyz da sol», - dedi ol.
Ekologiia ministriniń sózinshe, ótken jyly óndiris oryndarynan tabiǵatty lastaǵany úshin jinalǵan emissiia 90 mlrd teńgedei boldy. Onyń 40 mlrd-y eldegi ekologiialyq jaǵdaidy jaqsartý sharalaryna baǵyttalǵan.
