قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ شىعىس قازاقستان وبلىسىنىڭ تۇرعىندارىنا ٶڭٸردەگٸ ەكولوگييالىق پروبلەمالاردى شەشۋدٸڭ جول كارتاسى جوباسىن تانىستىردى, دەپ حابارلايدى "ۇلت اقپارات".
ۆەدومستۆونىڭ Telegram كانالىنداعى اقپاراتقا سەيكەس, جول كارتاسى اياسىندا الداعى جىلدارى ريددەر مەتاللۋرگييالىق كەشەنٸندە اتموسفەرالىق سٸلتٸسٸزدەندٸرۋ تسەحىن سالۋ, ٶندٸرٸس ورىندارىنان اۋاعا شىققان قالدىققا مونيتورينگ جاساۋدىڭ اۆتوماتتاندىرىلعان جٷيەسٸن ەنگٸزۋ, جەكە سەكتوردى ورتالىق جىلۋمەن جابدىقتاۋ جٷيەسٸنە قوسۋ, وبلىس قالالارىندا لاستاۋشى زاتتارعا ساراپتاما جاسايتىن زاماناۋي زەرتحانالار سالۋ, اعاش وتىرعىزۋ كٶلەمٸن ارتتىرۋ سەكٸلدٸ 30-عا جۋىق ٸس-شارا جوسپارلانعان.
«جەرگٸلٸكتٸ حالىق قورشاعان ورتانىڭ جاعدايىنا بايلانىستى ٸستەلٸپ جاتقان جۇمىستار تۋرالى بٸلۋٸ تيٸس. سوندىقتان جول كارتاسىن بٸرلەسٸپ دايىنداۋعا شاقىرامىن, بٸز بارلىق ۇسىنىستاردى تىڭداپ, ەسكەرۋگە دايىنبىز. جول كارتاسى مازمۇندى, جٷزەگە اساتىنداي, بٸراق امبيتسيوزدى بولۋى كەرەك. ٶڭٸردە پروبلەمالار ونداعان جىلدار بويى جينالىپ قالعانىن بٸلەسٸزدەر. سوندىقتان ولار بٸردەن شەشٸلە قويمايدى. دەگەنمەن ٶندٸرٸستٸك ٶڭٸردەگٸ قورشاعان ورتانىڭ جاعدايىن جاقسارتۋ ٷشٸن بار كٷشتٸ سالۋىمىز قاجەت»,- دەدٸ ماعزۇم مىرزاعاليەۆ وبلىس جۇرتشىلىعىمەن ٶتكەن Zoom-كونفەرەنتسييادا.
جول كارتاسى ۇسىنىستار قابىلدانعاننان كەيٸن قوعام ٶكٸلدەرٸنە قايتا تانىستىرىلادى.
ونلاين-كەزدەسۋدە ەكو-بەلسەندٸلەر مەن عالىمدار اتموسفەرالىق اۋانىڭ لاستانۋى, وعان قاتىستى قابىلدانىپ جاتقان شارالار تۋرالى سۇراقتار قويدى. پٸكٸرلەرٸن ورتاعا سالدى. ەكولوگييالىق مونيتورينگ پوستتارىنىڭ سانىن كٶبەيتۋدٸ سۇرادى.
مينيستر ەكولوگييالىق كودەكستە ناقتى قادامدار كٶرسەتٸلگەنٸمەن, ٶڭٸردەگٸ قورشاعان ورتا جاعدايىن رەتتەۋ بويىنشا جىلدامىراق ەرەكەت قاجەتتٸگٸن العا تارتتى.
«ەۋروپا «ەڭ وزىق قولجەتٸمدٸ تەحنولوگييالار» ارقىلى ەكولوگييالىق احۋالدى جاقسارتۋعا 15 جىل جۇمساعانىن بٸلەمٸز. بٸز ەكولوگييالىق كودەكستە بۇل مەرزٸمدٸ دە ەسكەردٸك. بٸراق جىلدار بويى كٷتٸپ, قاراپ وتىرا المايمىز. بارىنشا تەزٸرەك ەرەكەت ەتۋٸمٸز كەرەك. حالىقپەن, جەرگٸلٸكتٸ اتقارۋشى ورگان ٶكٸلدەرٸمەن باس قوسىپ وتىرعانىمىز دا سول», - دەدٸ ول.
ەكولوگييا مينيسترٸنٸڭ سٶزٸنشە, ٶتكەن جىلى ٶندٸرٸس ورىندارىنان تابيعاتتى لاستاعانى ٷشٸن جينالعان ەميسسييا 90 ملرد تەڭگەدەي بولدى. ونىڭ 40 ملرد-ى ەلدەگٸ ەكولوگييالىق جاعدايدى جاقسارتۋ شارالارىنا باعىتتالعان.
