Shyǵys Qazaqstan oblysynda biylǵy jyldyń basynan beri koronavirýstan 25 adam qaitys boldy, dep habarlaidy "Ult aqparat".
Bul jaily aimaq basshysy Danial Ahmetov Instagram jelisindegi jeke paraqshasynda jazdy.
«Jyl basynan beri óńirde 25 adam COVID-19 indetinen qaitys boldy. Onyń 22-si Semeidegi infektsiialyq aýrýhanada tirkelgen. Soǵan bailanysty komissiia atalǵan aýrýhanaǵa tekserý júrgizdi. ShQO Densaýlyq saqtaý basqarmasy basshysynyń aitýynsha, bul aýrýhanada kemshilikter anyqtalǵan», - dedi ol.
Birinshiden, QR Densaýlyq saqtaý ministrliginiń COVID-19-dy emdeýge arnalǵan hattama tártibiniń tolyq saqtalmaýy baiqalǵan. Ekinshiden, densaýlyq pasporttaryndaǵy derekterdi eskere otyryp, qosymsha syrqattaryna qarai naýqastardy emdeý, diagnozyna túzetý engizý júrgizilmegen.
«Úshinshiden, gormondyq terapiiany taǵaiyndaýda aýrýdyń bastalýy, zerthanalyq zertteýler men EKG nátijeleri eskerilmeidi. Tórtinshiden, aýrýhanaǵa jatqyzylǵan soń birinshi táýlik ishinde naýqastar KT tekserýden ótkizilmeidi. Emdeý kompiýterlik zertteýler nátijeleri eskerýsiz taǵaiyndalady. Besinshi, antibiotikterdiń, diýretikterdiń birneshe tobyn negizsiz taǵaiyndaýlar bolǵan. Demalys kúnderi áleýmettik jelidegi jeke paraqshama túsken Semei turǵyndarynyń shaǵymdarynan qalada KT apparattarynyń da isten shyqqany belgili boldy. Tekserý nátijesinde búgingi tańda alty apparattyń tek 2-ýi ǵana jumys istep turǵany anyqtalǵan. Osy faktini jasyrýdan basqa, jaǵdaidyń shielenisýi kezinde jaýapty tulǵalar tarapynan KT jumys isteitin aýrýhanalarda apparattyń táýlik boiǵy jumysy uiymdastyrylmaǵan», - dedi Danial Ahmetov.
Onyń aitýynsha, meditsinalyq sapa jáne baqylaý departamenti tarapynan da eshqandai shara qabyldanbaǵan. Semeide koronavirýs jaǵdaiynyń ýshyǵýyna jol berilgenine bailanysty atalmysh salaǵa jetekshilik etetin qala ákiminiń orynbasaryna, oblystyq Densaýlyq saqtaý basqarmasy basshysynyń Semei boiynsha orynbasaryna, juqpaly aýrýlar aýrýhanasynyń bas dárigerine qatań sógis jariialaý tapsyryldy.
«Sonymen qatar Semeige oblys ákimi apparaty basshysynyń orynbasary Iliias Muhamedjan bastaǵan jumys tobyn jiberdim. Olar qala «jasyl» aimaqqa shyqqanǵa deiin sol jerde jumys isteidi. Árbir ólim-jitim jaǵdaiyn taǵy da egjei-tegjeili tekserip, isten shyqqan KT paidalanýǵa berýde eń shuǵyl sharalardy qabyldaý mindetteldi», - dedi oblys ákimi.
