شىعىس قازاقستان وبلىسىندا بيىلعى جىلدىڭ باسىنان بەرٸ كوروناۆيرۋستان 25 ادام قايتىس بولدى, دەپ حابارلايدى "ۇلت اقپارات".
بۇل جايلى ايماق باسشىسى دانيال احمەتوۆ Instagram جەلٸسٸندەگٸ جەكە پاراقشاسىندا جازدى.
«جىل باسىنان بەرٸ ٶڭٸردە 25 ادام COVID-19 ٸندەتٸنەن قايتىس بولدى. ونىڭ 22-سٸ سەمەيدەگٸ ينفەكتسييالىق اۋرۋحانادا تٸركەلگەن. سوعان بايلانىستى كوميسسييا اتالعان اۋرۋحاناعا تەكسەرۋ جٷرگٸزدٸ. شقو دەنساۋلىق ساقتاۋ باسقارماسى باسشىسىنىڭ ايتۋىنشا, بۇل اۋرۋحانادا كەمشٸلٸكتەر انىقتالعان», - دەدٸ ول.
بٸرٸنشٸدەن, قر دەنساۋلىق ساقتاۋ مينيسترلٸگٸنٸڭ COVID-19-دى ەمدەۋگە ارنالعان حاتتاما تەرتٸبٸنٸڭ تولىق ساقتالماۋى بايقالعان. ەكٸنشٸدەن, دەنساۋلىق پاسپورتتارىنداعى دەرەكتەردٸ ەسكەرە وتىرىپ, قوسىمشا سىرقاتتارىنا قاراي ناۋقاستاردى ەمدەۋ, دياگنوزىنا تٷزەتۋ ەنگٸزۋ جٷرگٸزٸلمەگەن.
«ٷشٸنشٸدەن, گورموندىق تەراپييانى تاعايىنداۋدا اۋرۋدىڭ باستالۋى, زەرتحانالىق زەرتتەۋلەر مەن ەكگ نەتيجەلەرٸ ەسكەرٸلمەيدٸ. تٶرتٸنشٸدەن, اۋرۋحاناعا جاتقىزىلعان سوڭ بٸرٸنشٸ تەۋلٸك ٸشٸندە ناۋقاستار كت تەكسەرۋدەن ٶتكٸزٸلمەيدٸ. ەمدەۋ كومپيۋتەرلٸك زەرتتەۋلەر نەتيجەلەرٸ ەسكەرۋسٸز تاعايىندالادى. بەسٸنشٸ, انتيبيوتيكتەردٸڭ, ديۋرەتيكتەردٸڭ بٸرنەشە توبىن نەگٸزسٸز تاعايىنداۋلار بولعان. دەمالىس كٷندەرٸ ەلەۋمەتتٸك جەلٸدەگٸ جەكە پاراقشاما تٷسكەن سەمەي تۇرعىندارىنىڭ شاعىمدارىنان قالادا كت اپپاراتتارىنىڭ دا ٸستەن شىققانى بەلگٸلٸ بولدى. تەكسەرۋ نەتيجەسٸندە بٷگٸنگٸ تاڭدا التى اپپاراتتىڭ تەك 2-ۋٸ عانا جۇمىس ٸستەپ تۇرعانى انىقتالعان. وسى فاكتٸنٸ جاسىرۋدان باسقا, جاعدايدىڭ شيەلەنٸسۋٸ كەزٸندە جاۋاپتى تۇلعالار تاراپىنان كت جۇمىس ٸستەيتٸن اۋرۋحانالاردا اپپاراتتىڭ تەۋلٸك بويعى جۇمىسى ۇيىمداستىرىلماعان», - دەدٸ دانيال احمەتوۆ.
ونىڭ ايتۋىنشا, مەديتسينالىق ساپا جەنە باقىلاۋ دەپارتامەنتٸ تاراپىنان دا ەشقانداي شارا قابىلدانباعان. سەمەيدە كوروناۆيرۋس جاعدايىنىڭ ۋشىعۋىنا جول بەرٸلگەنٸنە بايلانىستى اتالمىش سالاعا جەتەكشٸلٸك ەتەتٸن قالا ەكٸمٸنٸڭ ورىنباسارىنا, وبلىستىق دەنساۋلىق ساقتاۋ باسقارماسى باسشىسىنىڭ سەمەي بويىنشا ورىنباسارىنا, جۇقپالى اۋرۋلار اۋرۋحاناسىنىڭ باس دەرٸگەرٸنە قاتاڭ سٶگٸس جارييالاۋ تاپسىرىلدى.
«سونىمەن قاتار سەمەيگە وبلىس ەكٸمٸ اپپاراتى باسشىسىنىڭ ورىنباسارى ٸليياس مۇحامەدجان باستاعان جۇمىس توبىن جٸبەردٸم. ولار قالا «جاسىل» ايماققا شىققانعا دەيٸن سول جەردە جۇمىس ٸستەيدٸ. ەربٸر ٶلٸم-جٸتٸم جاعدايىن تاعى دا ەگجەي-تەگجەيلٸ تەكسەرٸپ, ٸستەن شىققان كت پايدالانۋعا بەرۋدە ەڭ شۇعىل شارالاردى قابىلداۋ مٸندەتتەلدٸ», - دەدٸ وبلىس ەكٸمٸ.
