Shyǵys Qazaqstan oblysynyń qutqarýshylary jolda qalǵan avtobýstan 53 adamdy evakýatsiialady, dep habarlaidy QazAqparat.
ShQO Tótenshe jaǵdailar baspasóz qyzmetiniń málimetine súiensek, 10 aqpan kúni Jarma aýdany Sulýsary aýylynyń mańyndaǵy jolda vahtashylar otyrǵan avtobýs synyp qaldy. Oqiǵa ornyna №32 órt sóndirý bóliminiń qyzmetkerleri kelip jetken.
«Qutqarýshylar aýdandyq politsiia bóliminiń saqshylary jáne jergilikti atqarýshy organ ókilderimen birlesip 53 adamdy «KÚNG» avtokóligimen evakýatsiialady. Qalbataý aýylyna jetkizilgen olar sport mektebine ornalastyryldy», - delingen aqparatta.
Sondai-aq 11 aqpanda tańerteń Aiagóz aýdanynda «Aýdi S4» jáne «IJ» markaly 2 avtokólik jolda qalǵan. Onda 4 adam otyrdy. Qutqarýshylar shuǵyl túrde sol jerge jetip, kólikterdi Aiagóz qalasyna deiin shyǵaryp saldy.
