6–8 qazan kúnderi Qazaqstannyń basym bóliginde aýa raiy turaqsyz bolady. Bul týraly «Qazgidromet» habarlady, dep jazady ult.kz.
Sinoptikterdiń málimetinshe, atalǵan kezeńde elimizge atmosferalyq fronttar áser etedi. Soǵan bailanysty kóptegen óńirde jańbyr jaýady. Soltústik-batys, soltústik jáne shyǵys oblystarda jańbyr men qar túrindegi jaýyn-shashyn kútiledi.
Sonymen qatar respýblika boiynsha jel kúsheiip, túnde jáne tańerteń tuman túsýi múmkin. Kei jerlerde kóktaiǵaq, burqasyn jáne ekpindi jel boljanyp otyr.
Batys óńirlerde túngi aýa temperatýrasy +2+12°S, kúndiz +17+22°S-qa deiin kóteriledi.
Soltústik-batys pen soltústikte túngi temperatýra -1-6°S-tan +3+13°S-qa deiin, kúndiz 0,+5°S-tan +5+20°S-qa deiin ózgeredi.
Shyǵys jáne ortalyq oblystarda túnde aýa temperatýrasy negizinen 0,+7°S, kúndiz +2+15°S aralyǵynda bolady.
Ońtústik jáne ońtústik-shyǵys óńirlerde túngi aýa temperatýrasy +2+8°S-tan +5+10°S-qa deiin joǵarylaidy. Taýly aýdandarda túnde 1-3°S aiaz bolyp, keiin 0,+5°S-qa deiin jylynady.
Bul óńirlerde kúndiz aýa temperatýrasy +12+17°S-tan +17+22°S-qa deiin kóteriledi. Al taýly aýdandarda kúndiz +4+9°S-tan +9+14°S-qa deiin jyly bolady.
«Qazgidromet» aýa raiynyń qubylýyna bailanysty turǵyndarǵa joldaǵy jaǵdaiǵa muqiiat bolýdy eskertedi.
