5 qazanda Qazaqstannyń basym bóliginde aýa raiy kúrt qubylady. «Qazgidromet» málimetinshe, el aýmaǵyna tsiklon men atmosferalyq fronttar áser etip, jańbyr men qar túrindegi jaýyn-shashyn kútiledi. Ońtústik, ońtústik-shyǵys jáne shyǵys óńirlerde nóser jańbyr jaýady, al soltústik-batys, soltústik jáne shyǵys aimaqtarda jańbyr qarǵa ulasýy múmkin, dep habarlaidy ult.kz.
Astana: túnde 0…+2°C, kúndiz +3…+5°C. Qalada jańbyr aralas qar jaýady. Ońtústik-batystan soǵatyn jeldiń ekpini 23–28 m/s-qa, kúndiz kei ýaqytta 30 m/s jáne odan da joǵary deńgeige jetýi yqtimal.
Almaty: túnde +8…+10°C, kúndiz +12…+14°C. Túnde jańbyr jaýyp, kei ýaqytta kúsheiedi, kúndiz de jaýyn-shashyn saqtalady. Soltústik-batystan soǵatyn jeldiń ekpini kei ýaqytta 15–18 m/s-qa deiin kúsheiedi.
Shymkent: qala men Túrkistan oblysynda aýa raiy jaýyn-shashyndy bolady. Óńirde nóser jańbyr, naizaǵai jáne qatty jel kútiledi. «Qazgidromet» ońtústik aimaqtarda jaýyn-shashynnyń kúsheiýi múmkin ekenin eskertti.
Aqmola oblysynda túnde 0…+5°C, kei aýdandarda -3°C-qa deiin sýytady, kúndiz 0…+5°C. Jańbyr men qar jaýyp, batysy men soltústiginde jaýyn-shashyn kúsheiedi. Tuman túsip, jel ekpini kei ýaqytta 30 m/s-tan asady.
Aqtóbe oblysynda kún salqyndap, kei aýdandarda jańbyr men qar jaýady. Jel kúsheiip, túnde jekelegen aýdandarda úsik bolýy yqtimal.
Almaty oblysynda túnde +8…+13°C, taýly aýdandarda 0…+5°C. Jańbyr jaýyp, oblystyń ońtústiginde nóser kútiledi. Taýly jerlerde jańbyr qarǵa ulasýy múmkin.
Atyraý oblysynda jaýyn-shashynsyz aýa raiy boljanady. Túnde 0…+5°C, kúndiz +10…+15°C. Túnde jáne tańerteń kei jerlerde tuman túsedi.
Abai oblysynda túnde +7…+12°C, batysynda +3°C, kúndiz +11…+16°C. Túnde jańbyr jaýyp, soltústigi men ortalyǵynda nóser kútiledi. Jel ekpini 23–28 m/s-qa deiin jetýi múmkin.
Shyǵys Qazaqstan oblysynda jańbyr, al shyǵys pen taýly aýdandarda jańbyr aralas qar jaýady. Túnde jáne tańerteń tuman túsip, jel ekpini 23–28 m/s-qa deiin kúsheiedi.
Jambyl oblysynda jańbyr men naizaǵai kútiledi. Taýly aýdandarda jaýyn-shashyn kúsheiip, jańbyr qarǵa ainalýy yqtimal.
Jetisý oblysynda jańbyr jaýady, taýly aýdandarda jaýyn-shashyn kúsheiedi. Kún salqyndap, jel kúsheiedi.
Batys Qazaqstan oblysynda kei jerlerde jaýyn-shashyn bolyp, túngi jáne tańǵy ýaqytta tuman túsýi yqtimal.
Qaraǵandy oblysynda túnde 0…+5°C, batysy men soltústiginde -3°C-qa deiin tómendeidi. Batys pen soltústikte jańbyr aralas qar jaýady. Qaraǵandy qalasynda túnde jáne kúndiz +2…+4°C shamasynda bolady.
Qostanai oblysynda jańbyr aralas qar, tuman jáne kóktaiǵaq qaýpi saqtalady. Kei aýdandarda jel kúsheiip, aýa temperatýrasy 0°C mańyna deiin tómendeidi.
Qyzylorda oblysynda túnde +3…+8°C, kúndiz +13…+18°C. Oblystyń batysy, soltústigi men shyǵysynda jańbyr jaýyp, kei jerde naizaǵai oinaidy. Jel ekpini 23–28 m/s-qa deiin jetedi.
