Shyǵys Qazaqstan oblysynda zeinetkerdiń 18 mln teńgesin urlap ketti, dep habarlaidy "Ult aqparat".
Ridder qalasynyń politsiia bólimine 65 jastaǵy qariia aryzdandy. Zeinetker úige belgisiz bireýdiń kirip, jatyn bólmedegi shkafta turǵan aqshasyn urlap ketkenin jetkizgen. Jedel áreket etken ShQO PD Kriminaldyq politsiia basqarmasynyń qyzmetkerleri birneshe kún ishinde kúdiktini qolǵa túsirdi.
«Anyqtalǵandai, úi ishinde eshkimniń joq ekenine kóz jetkizgen ury tereze arqyly kirgen. Jatyn bólmedegi shkaftan shetel valiýtasyndaǵy 18 mln teńgeden astam aqsha salynǵan paketti alyp, oqiǵa ornyna izin sýytady. Ridder qalasynyń 41 jastaǵy turǵyny óz kinásin moiyndap otyr», - dedi departament bastyǵynyń orynbasary Talǵat Shaiahmetov.
Er adam aqshanyń biraz bóligin tyǵyp qoiǵanyn, qalǵanyn ózimen birge Óskemenge alyp ketkenin aitty. Tártip saqshylary onyń úiin tintý barysynda aqshany tapty. Kúdikti urlanǵan qarajattyń birazyna qymbat smartfondar, kiim-keshek pen altyn buiymdar satyp alǵan. Qalǵan soma jábirlenýshige qaitarylyp berildi.
Qazirgi ýaqytta politseiler QR Qylmystyq kodeksiniń 188-baby 4-bóligi boiynsha sotqa deiingi tergeý amaldaryn bastady.
