Foto: Polisia.kz
Shyǵys Qazaqstan oblysynda arnaiy tehnika qoldaný arqyly zańsyz altyn óndirý deregi anyqtaldy, dep habarlaidy Ult.kz.
ShQO politsiia departamentiniń uiymdasqan qylmysqa qarsy kúres basqarmasy óńir aýdandarynyń birinde qymbat baǵaly paidaly qazbalardy zańsyz óndirýmen ainalysqan topty ustady.
Jedel is-sharalar barysynda politsiia qyzmetkerleri ushqyshsyz basqarylatyn ushý apparatynyń kómegimen zańsyz qazba jumystary júrgizilgen jerdiń naqty ornyn anyqtady. Oqiǵa ornynan alty adam ustaldy.
Tergeý kezinde bir ekskavator, úsh metall izdegish qurylǵy, eki avtokólik jáne topyraq úlgileri tárkilendi. Bul derek boiynsha sotqa deiingi tergeý amaldary bastalyp, jerasty bailyqtaryna kelgen zalal mólsherin anyqtaý úshin tiisti saraptamalar taǵaiyndaldy.
Aita keteiik, mundai zańsyz áreketter memleket ekonomikasyna ǵana emes, sondai-aq tabiǵi ortaǵa – ósimdikter men janýarlar álemine, tabiǵi landshaftqa da eleýli ziian keltiredi.
Shyǵys Qazaqstan oblysynyń politsiia departamenti azamattardy zań talaptaryn saqtaýǵa shaqyryp, kez kelgen zańsyz áreketter týraly “102” nómirine habarlaý qajettigin eskertedi. Tabiǵi bailyqtardy qorǵaý tek birlesken kúsh-jiger arqyly júzege asady.
