فوتو: Polisia.kz
شىعىس قازاقستان وبلىسىندا ارنايى تەحنيكا قولدانۋ ارقىلى زاڭسىز التىن ٶندٸرۋ دەرەگٸ انىقتالدى, دەپ حابارلايدى Ult.kz.
شقو پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى ٶڭٸر اۋداندارىنىڭ بٸرٸندە قىمبات باعالى پايدالى قازبالاردى زاڭسىز ٶندٸرۋمەن اينالىسقان توپتى ۇستادى.
جەدەل ٸس-شارالار بارىسىندا پوليتسييا قىزمەتكەرلەرٸ ۇشقىشسىز باسقارىلاتىن ۇشۋ اپپاراتىنىڭ كٶمەگٸمەن زاڭسىز قازبا جۇمىستارى جٷرگٸزٸلگەن جەردٸڭ ناقتى ورنىن انىقتادى. وقيعا ورنىنان التى ادام ۇستالدى.
تەرگەۋ كەزٸندە بٸر ەكسكاۆاتور, ٷش مەتالل ٸزدەگٸش قۇرىلعى, ەكٸ اۆتوكٶلٸك جەنە توپىراق ٷلگٸلەرٸ تەركٸلەندٸ. بۇل دەرەك بويىنشا سوتقا دەيٸنگٸ تەرگەۋ امالدارى باستالىپ, جەراستى بايلىقتارىنا كەلگەن زالال مٶلشەرٸن انىقتاۋ ٷشٸن تيٸستٸ ساراپتامالار تاعايىندالدى.
ايتا كەتەيٸك, مۇنداي زاڭسىز ەرەكەتتەر مەملەكەت ەكونوميكاسىنا عانا ەمەس, سونداي-اق تابيعي ورتاعا – ٶسٸمدٸكتەر مەن جانۋارلار ەلەمٸنە, تابيعي لاندشافتقا دا ەلەۋلٸ زييان كەلتٸرەدٸ.
شىعىس قازاقستان وبلىسىنىڭ پوليتسييا دەپارتامەنتٸ ازاماتتاردى زاڭ تالاپتارىن ساقتاۋعا شاقىرىپ, كەز كەلگەن زاڭسىز ەرەكەتتەر تۋرالى “102” نٶمٸرٸنە حابارلاۋ قاجەتتٸگٸن ەسكەرتەدٸ. تابيعي بايلىقتاردى قورعاۋ تەك بٸرلەسكەن كٷش-جٸگەر ارقىلى جٷزەگە اسادى.
