ShQO-da daýyl kezinde ústine shatyr qulap ketken 82 jastaǵy Sheriazdan Isanov qaitys boldy, - dep habarlaidy kaz.tengrinews.kz tilshisi. Ol aýyr jaraqat alyp, jansaqtaý bóliminde jatqan edi.
Sheriazdan Isanovtyń ólimi jaily týystary estirtti.
"Ata dúnieden ótti, keshe júregi shydamady", - dedi qariianyń nemeresi Áziz.
Qalalyq aýrýhananyń ókilderi naýqastyń ólimin rastady. Dárigerlerdiń aitýynsha, aýyr jaǵdaida jatqan tyl ardageri keshki 22.00-de qaitys bolǵan. Onyń synǵan jeri kóp bolǵan jáne keýdesi tilingen. Marqumnyń týystary bul oqiǵada kimniń kináli ekenin anyqtaýǵa nietti.
Sonymen qatar, ShQO TJD ókilderi turǵyndardyń daýyl týraly eskertý bolmady dep aiyptaǵanyna bailanysty pikir bildirdi.
"Aldyn ala, jeksenbide, tústen keiingi ýaqytta "Qazgidromet" málimetiniń negizinde qutqarýshylar uialy qosymsha men vedomstvonyń resmi saity arqyly 17 shildedegi aýa raiy jaily halyqqa eskertý jasaldy, eskertýde jeldiń sekýndyna 20 metr jyldamdyqpen soǵýy múmkin ekeni aityldy. Bul málimet aýa raiyna sáikes boldy ma, joq pa - bul máseleni TJ-ǵa emes, sinoptikterge qoiý kerek", - dedi TJD ókilderi.
Eske salaiyq, keshe Shyǵys Qazaqstan oblysynda daýyl turǵan edi. Óskemende julynyp ketken shatyr kólikterdiń ústine túsken, jelden jarnama qurastyrmalary qirap, aialdamalar men aǵashtardy qulatqan. Daýyl 10-15 minýttai ýaqyt bolǵan. Áleýmettik jelilerdegi habarlamalarǵa qaraǵanda, óńirdiń barlyq jerinde de turǵyndar jeldiń bolǵanyn aityp otyr. Qoldanýshylar qulaǵan aǵashtar, qiraǵan aialdamalar jáne búlingen kólikterdi sýretke jáne videoǵa túsirip, redaktsiiaǵa joldady. Keiin daýyldan bes adamnyń zardap shekkeni belgili boldy.
