Shyǵys Qazaqstan oblysy Altai aýdanyndaǵy Jańa Buqtyrma kentinde birneshe úidi qyzyl jalyn sharpydy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 11 mamyr kúni saǵat 16.48-de Jańa Buqtyrma kentinde ornalasqan demalys bazalarynyń birinde shyqqan órt lezde 8 úige, dámhana shatyry men monshaǵa jaiylyp ketken.
- Oqiǵa ornyna órt sóndirýshiler shuǵyl kelip jetti. Aldyn ala málimet boiynsha tilsiz jaýdyń jalpy aýdany 409 sharshy metrdi qurap otyr. Mamandar órttiń shyǵý sebepterin anyqtap jatyr. Zardap shekken eshkim joq, - dep habarlady vedomstvo ókilderi.
Qazirgi ýaqytta sol jerde jeke quramnan 48 adam, 6 avtotsisterna, jergilikti atqarýshy organnyń 5 ókili jumys isteýde.
