Foto:baq.kzOrta taýly aimaqta jáne taýlardyń ońtústik betkeilerinde qar jamylǵysynyń erýine bailanysty oblysta sý tasqynynyń ekinshi tolqyny bastaldy. Bul týraly Astanada ótken brifingte Shyǵys Qazaqstan Oblysy Tótenshe Jaǵdailar Deportamenti tótenshe jaǵdaidyń aldyn alý basqarmasynyń bas mamany Dina Beksultanova málimdedi dep habarlaidy "Ult Aqparat".
"Búgin qarjamylǵysynyń aýdany oblystyń 19 % quraidy. Barlyq gidrotehnikalyq qurylystar shtattyq rejimde jumys isteýde. Sý tasqyny jaǵdaiyn ýaqytyly baǵalaý úshin turaqty túrde aerovizýaldyq tekserýler júrgiziledi. Mobildi toptar kún saiyn táýlik boiy monitoring júrgizedi. Aldyn alý is-sharalarynyń josparyna sáikes jaǵalaýdy nyǵaitý jáne ózenderdiń túbin tereńdetý, bógetter salý, qapshyqtar tóseý jumystary júrgizilýde. Jergilikti atqarýshy organdar arnalardy, aryqtar men kópirlerdi tazartý boiynsha josparlanǵan jumystardy tolyq kólemde aiaqtady", -dedi Dina Beksultanova.
Sonymen qatar mamannyń sózinshe, oblysta jedel shtab jumys isteýde, barlyq qyzmetterdiń jumysy úilestirilýde.
"Kúshter men quraldar ázirlikke keltirildi. Jergilikti sý basý jaǵdailary boiynsha sýdy sorý jáne qapshyqtardy tóseý boiynsha shuǵyl sharalar qabyldandy", -dep otyr maman.
