Shyǵys Qazaqstan oblysynda biyl skrinig nátijesinde obyrǵa shaldyqqan 65 áiel anyqtaldy, dep habarlaidy QazAqparat.
«Áleýmettik meditsinalyq saqtandyrý qory» ShQO filialy baspasóz qyzmetiniń málimetine súiensek, sońǵy jyldary áielder arasynda sút bezi obyryna shaldyǵatyndar az emes. Alaida dertti der kezinde anyqtaý jáne emdeý jaǵynan aitarlyqtai jetistikter bar. Bul rette skrinigtik zertteýlerdiń mańyzy zor.
«Skrining – ártúrli zertteý ádisterin paidalana otyryp, qaterli isikti aýrý belgileri paida bolǵanǵa deiin erterek anyqtaýǵa múmkindik beredi. 40 pen 70 jas aralyǵyndaǵy áielder eki jylda bir ret qaralyp turýy tiis. Bul tekserý tegin júrgiziledi», - deidi qordyń meditsinalyq qyzmet sapasyn qadaǵalaý bóliminiń basshysy Gúlmira Qabdieva.
Shyǵys Qazaqstanda biyl skriningtik zertteýler nátijesinde 65 áieldiń osy aýrýǵa shaldyqqany anyqtalyp, 650 áielden sút bezi obyrynyń oshaǵy bar ekeni belgili bolǵan. Jalpy óńir boiynsha 58 458 názik jandy skrinigten ótti.
