Foto:depositphotos.com
Sot Shyǵys Qazaqstan oblysy boiynsha ekologiia departamenti basshysynyń orynbasaryna úkim shyǵardy. Ol asa iri mólsherde para aldy dep aiyptaldy, - dep habarlaidy Oblystyq sottyń baspasóz qyzmeti.
Óskemen qalasynyń №2 soty Qazaqstan Respýblikasy Ekologiia, geologiia jáne tabiǵi resýrstar ministrliginiń Ekologiialyq retteý jáne baqylaý komitetiniń Shyǵys Qazaqstan oblysy boiynsha ekologiia departamenti basshysynyń orynbasary azamat T-ǵa qatysty iri mólsherde para aldy degen aiyp taǵylǵan qylmystyq isti qarady.
ShQO ekologiia departamenti azamattardyń ótinishteri boiynsha azamat T-nyń basshylyǵymen AÓF-da (altyn óndirý fabrikasy) Qazaqstan Respýblikasynyń ekologiialyq zańnamasy normalarynyń saqtalýyna tekseris jasady.
Tekserý barysynda qurylysty aiaqtaý merzimderi boiynsha jobalyq sheshimderden aýytqý bóliginde birqatar buzýshylyqtar anyqtaldy. Bul jaǵdai QR ÁQBtK-niń 328-baby 4-bóligine sáikes kásiporynnyń qyzmetiniń toqtatylýyna ákep soqtyrady.
"Azamat T. JShS-yn ákimshilik jaýapkershilikke tartpaý, AÓF qyzmetin tekserý nátijesi boiynsha oń sheshim shyǵarý úshin 2023 jyldyń mamyr aiynda JShS direktory azamat S-dan 30 000 AQSh dollar somasynda para aldy (12.05.2023 jylǵy dollarǵa shaqqandaǵy dollar baǵamy boiynsha - 13 326 600 teńgege)" - dedi sotta.
Kiná zattai dáleldeme - 6 970 000 teńge somasynda aqshalai qarajatpen, syiaqyǵa máseleniń oń sheshilýi týraly ýaǵdalastyǵyn rastaǵan kýágerlerdiń aiǵaqtarymen, jasyryn tergeý áreketteriniń nátijelerimen, saraptamalardyń qorytyndylarymen rastaldy.
Prokýror sottalýshy T-ǵa bas bostandyǵynan aiyrý jazasyn taǵaiyndaýdy surady.
Sottalýshy T. kinásin moiyndamai, ony aqtaýdy surady.
QK-niń 366-babynyń 3-bóligi 3-tarmaǵynyń sanktsiiasy aiyppul túrinde ne 7 jyldan 12 jylǵa deiingi merzimge bas bostandyǵynan aiyrýdy kózdeidi.
Qabyldaǵan antyn buzǵan adamnyń qylmystyq quqyqbuzýshylyq jasaýy aýyrlatatyn mán-jai dep tanyldy. Jeńildetetin mán-jailar retinde asyraýynda bes balasynyń bolýy tanyldy.
Sot jasalǵan qylmystyń aýyrlyǵyna qarai sottalǵan T-ǵa osy bappen qarastyrylǵan eń aýyr jaza - memlekettik qyzmette qyzmet atqarý quqyǵynan ómir boiy aiyra otyryp, 7 jylǵa bas bostandyǵynan aiyrý jazasyn taǵaiyndady.
Eske salaiyq, asa aýyr sybailas jemqorlyqqa qatysty qylmys jasaǵan tulǵalarǵa merziminen buryn shartty túrde bosatý qoldanylmaidy.
Úkim zańdy kúshine engen joq.
