فوتو:depositphotos.com
سوت شىعىس قازاقستان وبلىسى بويىنشا ەكولوگييا دەپارتامەنتٸ باسشىسىنىڭ ورىنباسارىنا ٷكٸم شىعاردى. ول اسا ٸرٸ مٶلشەردە پارا الدى دەپ ايىپتالدى, - دەپ حابارلايدى وبلىستىق سوتتىڭ باسپاسٶز قىزمەتٸ.
ٶسكەمەن قالاسىنىڭ №2 سوتى قازاقستان رەسپۋبليكاسى ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ەكولوگييالىق رەتتەۋ جەنە باقىلاۋ كوميتەتٸنٸڭ شىعىس قازاقستان وبلىسى بويىنشا ەكولوگييا دەپارتامەنتٸ باسشىسىنىڭ ورىنباسارى ازامات ت-عا قاتىستى ٸرٸ مٶلشەردە پارا الدى دەگەن ايىپ تاعىلعان قىلمىستىق ٸستٸ قارادى.
شقو ەكولوگييا دەپارتامەنتٸ ازاماتتاردىڭ ٶتٸنٸشتەرٸ بويىنشا ازامات ت-نىڭ باسشىلىعىمەن اٶف-دا (التىن ٶندٸرۋ فابريكاسى) قازاقستان رەسپۋبليكاسىنىڭ ەكولوگييالىق زاڭناماسى نورمالارىنىڭ ساقتالۋىنا تەكسەرٸس جاسادى.
تەكسەرۋ بارىسىندا قۇرىلىستى اياقتاۋ مەرزٸمدەرٸ بويىنشا جوبالىق شەشٸمدەردەن اۋىتقۋ بٶلٸگٸندە بٸرقاتار بۇزۋشىلىقتار انىقتالدى. بۇل جاعداي قر ەقبتك-نٸڭ 328-بابى 4-بٶلٸگٸنە سەيكەس كەسٸپورىننىڭ قىزمەتٸنٸڭ توقتاتىلۋىنا ەكەپ سوقتىرادى.
"ازامات ت. جشس-ىن ەكٸمشٸلٸك جاۋاپكەرشٸلٸككە تارتپاۋ, اٶف قىزمەتٸن تەكسەرۋ نەتيجەسٸ بويىنشا وڭ شەشٸم شىعارۋ ٷشٸن 2023 جىلدىڭ مامىر ايىندا جشس ديرەكتورى ازامات س-دان 30 000 اقش دوللار سوماسىندا پارا الدى (12.05.2023 جىلعى دوللارعا شاققانداعى دوللار باعامى بويىنشا - 13 326 600 تەڭگەگە)" - دەدٸ سوتتا.
كٸنە زاتتاي دەلەلدەمە - 6 970 000 تەڭگە سوماسىندا اقشالاي قاراجاتپەن, سىياقىعا مەسەلەنٸڭ وڭ شەشٸلۋٸ تۋرالى ۋاعدالاستىعىن راستاعان كۋەگەرلەردٸڭ ايعاقتارىمەن, جاسىرىن تەرگەۋ ەرەكەتتەرٸنٸڭ نەتيجەلەرٸمەن, ساراپتامالاردىڭ قورىتىندىلارىمەن راستالدى.
پروكۋرور سوتتالۋشى ت-عا باس بوستاندىعىنان ايىرۋ جازاسىن تاعايىنداۋدى سۇرادى.
سوتتالۋشى ت. كٸنەسٸن مويىنداماي, ونى اقتاۋدى سۇرادى.
قك-نٸڭ 366-بابىنىڭ 3-بٶلٸگٸ 3-تارماعىنىڭ سانكتسيياسى ايىپپۇل تٷرٸندە نە 7 جىلدان 12 جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ.
قابىلداعان انتىن بۇزعان ادامنىڭ قىلمىستىق قۇقىقبۇزۋشىلىق جاساۋى اۋىرلاتاتىن مەن-جاي دەپ تانىلدى. جەڭٸلدەتەتٸن مەن-جايلار رەتٸندە اسىراۋىندا بەس بالاسىنىڭ بولۋى تانىلدى.
سوت جاسالعان قىلمىستىڭ اۋىرلىعىنا قاراي سوتتالعان ت-عا وسى باپپەن قاراستىرىلعان ەڭ اۋىر جازا - مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويى ايىرا وتىرىپ, 7 جىلعا باس بوستاندىعىنان ايىرۋ جازاسىن تاعايىندادى.
ەسكە سالايىق, اسا اۋىر سىبايلاس جەمقورلىققا قاتىستى قىلمىس جاساعان تۇلعالارعا مەرزٸمٸنەن بۇرىن شارتتى تٷردە بوساتۋ قولدانىلمايدى.
ٷكٸم زاڭدى كٷشٸنە ەنگەن جوق.
