Almaty oblysy jaǵynan Shyǵys Qazaqstan oblysynyń syrtqy shekaralaryna kirý men shyǵýdy baqylaý úshin qosymsha 3 sanitarlyq beket ornatyldy, dep habarlaidy VAK baspasóz qyzmeti.
Qoǵamdyq kólikterdiń jumysy otyratyn oryndar sany 75%-dan aspaǵan kezde, sondai-aq qarbalas ýaqytynda tańerteń (8.00-den 10.00-ge deiin), keshke (18.00-den 20.00-ge deiin) avtobýstar sany artqan kezde ruqsat etiledi.
Toptyq qudaiǵa qulshylyq etýge (onyń ishinde juma-namaz) tyiym salynady. Dini birlestik obektilerinde ornalasqan qoǵamdyq tamaqtandyrý obektileriniń jumysyna tyiym salynady.
Mádeniet obektilerine 30 adamnan aspaityn jeke jáne toptyq daiyndyqtar ótkizýge ruqsat etilgen.
Teatrlar men kinoteatrlarǵa bir otbasy múshelerin qospaǵanda, shahmattyq rettilikpen zalda otyratyn oryndar sany 20%-dan asyrmai, sonyń ishinde bir ýaqytta 100 adamnan aspaityn adam bolǵanda ǵana jumys isteýge ruqsat beriledi.
Karantin rejiminde jumys isteýge qoiylatyn sanitariialyq erejelerdiń belgilengen talaptaryna jaýap bermeitin mektepter qashyqtyqtan oqý rejimine aýystyrylatyn bolady. Oflain rejimde oqityn oqýshylar men jumys isteitin bilim berý obektileri personaldarynyń tirkelgen árbir syrqattanýshylyǵy boiynsha mektepterge jospardan tys tekserýler júrgiziletin bolady.
Sonymen qatar, qyzmetkerlerdiń keminde 60%-y qashyqtyqtan jumys isteý formasy saqtalady (shtat kestesinde 40-tan astam qyzmetker bolsa).
