Shyǵys Qazaqstan oblysyndaǵy ejelgi saq qorymdarynan tabylǵan 300 altyn artefakt qyrkúiek aiynda alǵash ret Ulybritaniianyń Kembrid qalasynda ornalasqan Fitsýiliam mýzeiine qoiylady, dep habarlaidy "Ult aqparat".
ShQO ákimi baspasóz qyzmetiniń málimetine súiensek, bul týraly 10 tamyzda Bi-Bi-Si jáne basqa da jetekshi britandyq saittar jazǵan.
«Shamamen 2700 jyl buryn jerlengen ejelgi jaýyngerlerge tiesili altyn artefaktiler alǵash ret Ulybritaniiada kórsetiledi. Shyǵys Qazaqstan oblysyndaǵy Saq qorymdarynan alynǵan qazynalar Kembridjdegi Fitsýiliam mýzeiine qoiylady. Onda zergerlik buiymdar men at ábzelderi jáne basqa da zattar usynylady. Zertteýshiler olardy invazivti emes tehnologiialardy qoldana otyryp zertteidi», dep habarlady BBC News.
Bedeldi basylymdardyń biri – The Times kópshiliktiń kóńilin aýdaratyn element – jas sadaqshynyń jerlengen qorymy bolatynyn jáne úsh saq qorymynynan tabylǵan qazynalar 28 qyrkúiekten bastap kópshilik nazaryna usynylatynyn habarlaǵan.
Kúndelikti shyǵatyn Daily Mail gazeti kórmede 300-den astam artefakt usynylatynyn jáne olardyń keibireýleri myńdaǵan usaq bólshekterden turatynyn málim etken. Sondai-aq «Gardian» basylymy kórmede budan bólek Qazaqstanda sońǵy jyldary ashylǵan eń keremet arheologiialyq jańalyqtar kórsetiletinin habarlady.
Eske sala keteiik, ShQO ákimi buǵan deiin Eleke Sazy arheologiialyq keshenine baryp, ǵalym Zeinolla Samashevtiń basshylyǵymen júrgizilgen arheologiialyq jumystardyń barysymen tanysqan edi. Sodan keiin oblys ziialylarymen kezdeskende aimaq basshysy Eleke Sazy shatqalyndaǵy qazba jumystary barysynda jáne Aq-Baýyr ǵibadathanasy kesheninen tabylǵan biregei oljalar Londondaǵy kórmege qoiylatynyn habarlaǵan bolatyn.
