ShQO-da bir aptanyń ishinde PTR test anyqtamasy joq 891 adam poiyz ben ushaqqa jiberilmegen. Bul týraly Kóliktegi bas memlekettik sanitarlyq dáriger Sádýasaq Baiǵabylov málim etti, dep habarlaidy "Ult aqparat".
«2020 jyldyń 2-8 qarashasy aralyǵynda PTR test anyqtamasy bolmaǵandyqtan poiyz jáne ushaq arqyly 891 adam Shyǵys Qazaqstannan shyǵyp kete almady. Tarqata aitqanda Qazaqstannyń basqa aimaqtaryna PTR-test anyqtamasy bolmaǵandyqtan Shyǵys Qazaqstannan 104 adam áýejaidan qaitaryldy. Olar áýe kemesine jiberilmedi. Al PTR test anyqtamasy bar 2960 áýe jolaýshysy áýejaidan ushyp ketti. Sonymen qatar PTR test anyqtamasy joq 787 adam poiyzǵa kirgizilmedi. 3941 adam basqa aimaqtarǵa poiyz arqyly ketti», - deidi Sádýaqas Baiǵabylov.
Kóliktegi bas memlekettik sanitarlyq dáriger sonymen qatar Shyǵys Qazaqstanmen birge búginnen bastap Soltústik Qazaqstan oblysynyń turǵyndary da basqa óńirlerge shyǵý úshin PTR test anyqtamasyn alyp júrýi tiis.
Eske sala ketsek Shyǵys Qazaqstan oblysy koronavirýstyń taralý qarqyny boiynsha «qyzyl aimaqqa» kirgen bolatyn. Bul týraly ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaev resmi taratylǵan videoúndeýde jariia etken.
Al Kóliktegi bas memlekettik sanitarlyq dáriger Sádýaqas Baiǵabylov 9 qarashadan bastap Shyǵys Qazaqstanmen birge Soltústik Qazaqstan oblysynyń turǵyndary da PTR test anyqt
