شقو-دا بٸر اپتانىڭ ٸشٸندە پتر تەست انىقتاماسى جوق 891 ادام پويىز بەن ۇشاققا جٸبەرٸلمەگەن. بۇل تۋرالى كٶلٸكتەگٸ باس مەملەكەتتٸك سانيتارلىق دەرٸگەر سەدۋاساق بايعابىلوۆ مەلٸم ەتتٸ, دەپ حابارلايدى "ۇلت اقپارات".
«2020 جىلدىڭ 2-8 قاراشاسى ارالىعىندا پتر تەست انىقتاماسى بولماعاندىقتان پويىز جەنە ۇشاق ارقىلى 891 ادام شىعىس قازاقستاننان شىعىپ كەتە المادى. تارقاتا ايتقاندا قازاقستاننىڭ باسقا ايماقتارىنا پتر-تەست انىقتاماسى بولماعاندىقتان شىعىس قازاقستاننان 104 ادام ەۋەجايدان قايتارىلدى. ولار ەۋە كەمەسٸنە جٸبەرٸلمەدٸ. ال پتر تەست انىقتاماسى بار 2960 ەۋە جولاۋشىسى ەۋەجايدان ۇشىپ كەتتٸ. سونىمەن قاتار پتر تەست انىقتاماسى جوق 787 ادام پويىزعا كٸرگٸزٸلمەدٸ. 3941 ادام باسقا ايماقتارعا پويىز ارقىلى كەتتٸ», - دەيدٸ سەدۋاقاس بايعابىلوۆ.
كٶلٸكتەگٸ باس مەملەكەتتٸك سانيتارلىق دەرٸگەر سونىمەن قاتار شىعىس قازاقستانمەن بٸرگە بٷگٸننەن باستاپ سولتٷستٸك قازاقستان وبلىسىنىڭ تۇرعىندارى دا باسقا ٶڭٸرلەرگە شىعۋ ٷشٸن پتر تەست انىقتاماسىن الىپ جٷرۋٸ تيٸس.
ەسكە سالا كەتسەك شىعىس قازاقستان وبلىسى كوروناۆيرۋستىڭ تارالۋ قارقىنى بويىنشا «قىزىل ايماققا» كٸرگەن بولاتىن. بۇل تۋرالى شقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ مٸندەتٸن اتقارۋشى تالعات تۇڭعىشباەۆ رەسمي تاراتىلعان ۆيدەوٷندەۋدە جارييا ەتكەن.
ال كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ 9 قاراشادان باستاپ شىعىس قازاقستانمەن بٸرگە سولتٷستٸك قازاقستان وبلىسىنىڭ تۇرعىندارى دا پتر تەست انىقت
