Shyǵys Qazaqstan oblysynda Pfizer vaktsinasyna qatysty jedel jeli iske qosyldy, dep habarlaidy QazAqparat.
ShQO Aqparat ortalyǵynda ótken baspasóz konferentsiiasy barysynda oblystyq Densaýlyq saqtaý basqarmasy basshysynyń orynbasary Elmira Rahymbaeva Pfizer vaktsinasyna qatysty saýaldary bar óńir jurtshylyǵynyń qaida habarlasa alatyndyǵyn aitty.
«Qazaqstanda balalar men jasóspirimderdi amerikalyq Pfizer vaktsinasymen egý naýqany bastaldy. Shyǵys Qazaqstanda bilim jáne densaýlyq saqtaý basqarmalarynyń mamandary tarapynan jumys toby quralǵan. Olar oblystaǵy vaktsinatsiia barysyn qadaǵalaityn bolady. Osy rette, ata-analar óz suraqtaryna jaýap ala alatyn 71-11-31 Call-ortalyǵy iske qosyldy. Sonymen qatar Óskemen qalasy Qazybek bi dańǵyly, 11 meken-jaiy boiynsha 305-kabinetke kelip keńes alýǵa bolady», - dedi ol.
