شىعىس قازاقستان وبلىسىندا Pfizer ۆاكتسيناسىنا قاتىستى جەدەل جەلٸ ٸسكە قوسىلدى, دەپ حابارلايدى قازاقپارات.
شقو اقپارات ورتالىعىندا ٶتكەن باسپاسٶز كونفەرەنتسيياسى بارىسىندا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ەلميرا راحىمباەۆا Pfizer ۆاكتسيناسىنا قاتىستى ساۋالدارى بار ٶڭٸر جۇرتشىلىعىنىڭ قايدا حابارلاسا الاتىندىعىن ايتتى.
«قازاقستاندا بالالار مەن جاسٶسپٸرٸمدەردٸ امەريكالىق Pfizer ۆاكتسيناسىمەن ەگۋ ناۋقانى باستالدى. شىعىس قازاقستاندا بٸلٸم جەنە دەنساۋلىق ساقتاۋ باسقارمالارىنىڭ ماماندارى تاراپىنان جۇمىس توبى قۇرالعان. ولار وبلىستاعى ۆاكتسيناتسييا بارىسىن قاداعالايتىن بولادى. وسى رەتتە, اتا-انالار ٶز سۇراقتارىنا جاۋاپ الا الاتىن 71-11-31 Call-ورتالىعى ٸسكە قوسىلدى. سونىمەن قاتار ٶسكەمەن قالاسى قازىبەك بي داڭعىلى, 11 مەكەن-جايى بويىنشا 305-كابينەتكە كەلٸپ كەڭەس الۋعا بولادى», - دەدٸ ول.
