Shyǵys Qazaqstan oblysy Jarma aýdanyndaǵy Shar ózeninde balyq qyryldy, dep habarlaidy "Ult aqparat".
Zaisan-Ertis oblysaralyq basseindik balyq sharýashylyǵy inspektsiiasyna 18 sáýirde Shar ózeninde balyqtyń qyrylǵandyǵy týraly aqparat kelip túsken.
«Atalǵan sý qoimasy «Aqtailaq» sharýa qojalyǵynyń qaramaǵyna bekitilgen. Sol jerge kelip jetken mamandar óli balyqtardyń jaǵalaýdan 800 metrdei qashyqtyqta jatqanyn kórdi. Qyrylǵan balyqtyń jalpy salmaǵy – 450 keli. Kózben sholý kezinde balyqtarǵa qandai da bir zaqym kelgeni anyqtalǵan joq», - delingen inspektsiia ókilderi taratqan habarlamada.
Belgili bolǵandai, ózendegi sý deńgeii aitarlyqtai tómendep ketken. Ózenniń ortalyq bóliginde sý tereńdigi 80 santimetr ǵana. Aldyn ala málimet boiynsha balyqtyń qyrylýyna sý qoimasynyń taiaz jerleriniń qatýy sebep bolýy múmkin.
