شىعىس قازاقستان وبلىسى جارما اۋدانىنداعى شار ٶزەنٸندە بالىق قىرىلدى, دەپ حابارلايدى "ۇلت اقپارات".
زايسان-ەرتٸس وبلىسارالىق باسسەيندٸك بالىق شارۋاشىلىعى ينسپەكتسيياسىنا 18 سەۋٸردە شار ٶزەنٸندە بالىقتىڭ قىرىلعاندىعى تۋرالى اقپارات كەلٸپ تٷسكەن.
«اتالعان سۋ قويماسى «اقتايلاق» شارۋا قوجالىعىنىڭ قاراماعىنا بەكٸتٸلگەن. سول جەرگە كەلٸپ جەتكەن ماماندار ٶلٸ بالىقتاردىڭ جاعالاۋدان 800 مەتردەي قاشىقتىقتا جاتقانىن كٶردٸ. قىرىلعان بالىقتىڭ جالپى سالماعى – 450 كەلٸ. كٶزبەن شولۋ كەزٸندە بالىقتارعا قانداي دا بٸر زاقىم كەلگەنٸ انىقتالعان جوق», - دەلٸنگەن ينسپەكتسييا ٶكٸلدەرٸ تاراتقان حابارلامادا.
بەلگٸلٸ بولعانداي, ٶزەندەگٸ سۋ دەڭگەيٸ ايتارلىقتاي تٶمەندەپ كەتكەن. ٶزەننٸڭ ورتالىق بٶلٸگٸندە سۋ تەرەڭدٸگٸ 80 سانتيمەتر عانا. الدىن الا مەلٸمەت بويىنشا بالىقتىڭ قىرىلۋىنا سۋ قويماسىنىڭ تاياز جەرلەرٸنٸڭ قاتۋى سەبەپ بولۋى مٷمكٸن.
