Shyǵys Qazaqstan oblysynda mas kúide rýlge otyrǵan er adam ómir boiy kólik júrgizý quqyǵynan aiyryldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, osyǵan deiin 3 jyl merzimge kólik quralyn basqarý quqyǵynan aiyrylǵan 35 jastaǵy azamat ishimdik iship alyp «Mazda 626» avtokóligin tizgindegen. Óskemendegi Vysokovoltnaia kóshesinde kele jatqan ol rýldi basqara almai qarsy jolaqqa shyǵyp ketip, «VAZ 2106» kóligimen soqtyǵysqan.
Tártip saqshylary atalǵan júrgizýshige qatysty QR Qylmystyq kodeksiniń 346-baby, 2-bóligimen sotqa deiingi tergeý amaldaryn júrgizdi.
«Óskemen qalalyq №2 sotynyń úkimimen «Mazda 626» avtokóliginiń júrgizýshisi 3 jylǵa túrmege qamaldy. Sonymen qatar ol ómir boiy kólik júrgizý quqyǵynan aiyryldy. Úkim tolyqtai zańdy kúshine engen», - dedi ShQO PD bastyǵy Saǵat Mádiev.
