شىعىس قازاقستان وبلىسىندا ماس كٷيدە رۋلگە وتىرعان ەر ادام ٶمٸر بويى كٶلٸك جٷرگٸزۋ قۇقىعىنان ايىرىلدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, وسىعان دەيٸن 3 جىل مەرزٸمگە كٶلٸك قۇرالىن باسقارۋ قۇقىعىنان ايىرىلعان 35 جاستاعى ازامات ٸشٸمدٸك ٸشٸپ الىپ «Mazda 626» اۆتوكٶلٸگٸن تٸزگٸندەگەن. ٶسكەمەندەگٸ ۆىسوكوۆولتنايا كٶشەسٸندە كەلە جاتقان ول رۋلدٸ باسقارا الماي قارسى جولاققا شىعىپ كەتٸپ, «ۆاز 2106» كٶلٸگٸمەن سوقتىعىسقان.
تەرتٸپ ساقشىلارى اتالعان جٷرگٸزۋشٸگە قاتىستى قر قىلمىستىق كودەكسٸنٸڭ 346-بابى, 2-بٶلٸگٸمەن سوتقا دەيٸنگٸ تەرگەۋ امالدارىن جٷرگٸزدٸ.
«ٶسكەمەن قالالىق №2 سوتىنىڭ ٷكٸمٸمەن «Mazda 626» اۆتوكٶلٸگٸنٸڭ جٷرگٸزۋشٸسٸ 3 جىلعا تٷرمەگە قامالدى. سونىمەن قاتار ول ٶمٸر بويى كٶلٸك جٷرگٸزۋ قۇقىعىنان ايىرىلدى. ٷكٸم تولىقتاي زاڭدى كٷشٸنە ەنگەن», - دەدٸ شقو پد باستىعى ساعات مەديەۆ.
