Shyǵys Qazaqstan oblysy Glýbokoe aýdanynda politsiia qyzmetkerleri Qyzyl kitapqa engen birqazandy qutqardy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, Glýbokoe aýdany Beloýsovka aýylynda Qyzyl kitapqa engen qus tabylǵan. Politseiler ony Óskemen qalasyndaǵy veterinarlyq klinikaǵa tapsyrdy.
Politsiiaǵa habarlasqan turǵyn aýyl kósheleriniń birinde erekshe qusty kezdestirgenin aitty. Óz sózinde qanattynyń biraz ýaqyttan beri qozǵalyssyz otyrǵanyn, kómekke muqtaj bolýy múmkin ekendigin jetkizgen. Tártip saqshylary dereý atalǵan mekenjaiǵa jol tartty.
«Ýchaskelik inspektor Erkebulan Muratuly birqazandy qarap shyǵyp, Óskemen veterinarlyq klinikasynyń mamandaryn shaqyrtty. Dárigerler kelip jetkenge deiin politsiia qyzmetkeri jaralanǵan qusty ash júrgen qańǵybas itterdiń shabýylynan qorǵaǵan. Kóp uzamai Qyzyl kitapqa engen qus bilikti mamandardyń qolyna tapsyryldy», - delingen aqparatta.
