Shyǵys Qazaqstan oblysynda qutqarýshylar jol apatynan kólikke qystyrylyp qalǵan adamdy alyp shyqty, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, jol-kólik oqiǵasy 19 qazan kúni saǵat 05.43-te Altai aýdany Kýrchatov kóshesinde bolǵan. «VAZ 21010» markaly avtokólikti tizgindegen er adam rýlge ie bola almai qalyp, aǵashqa soǵyldy.
«Jol apaty saldarynan júrgizýshi kólikke qystyrylyp qalǵan. Qutqarýshylar oqiǵa ornyna shuǵyl kelip jetti. Gidravlikalyq quraldyń kómegimen kóliktiń artqy esigin ashyp, 1981 jylǵy azamatty alyp shyqty», - dep habarlady vedomstvo ókilderi.
Densaýlyǵy ortasha aýyr jaǵdaidaǵy zardap shegýshi jedel járdem qyzmetkerlerine tapsyryldy.
