شىعىس قازاقستان وبلىسىندا قۇتقارۋشىلار جول اپاتىنان كٶلٸككە قىستىرىلىپ قالعان ادامدى الىپ شىقتى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, جول-كٶلٸك وقيعاسى 19 قازان كٷنٸ ساعات 05.43-تە التاي اۋدانى كۋرچاتوۆ كٶشەسٸندە بولعان. «ۆاز 21010» ماركالى اۆتوكٶلٸكتٸ تٸزگٸندەگەن ەر ادام رۋلگە يە بولا الماي قالىپ, اعاشقا سوعىلدى.
«جول اپاتى سالدارىنان جٷرگٸزۋشٸ كٶلٸككە قىستىرىلىپ قالعان. قۇتقارۋشىلار وقيعا ورنىنا شۇعىل كەلٸپ جەتتٸ. گيدراۆليكالىق قۇرالدىڭ كٶمەگٸمەن كٶلٸكتٸڭ ارتقى ەسٸگٸن اشىپ, 1981 جىلعى ازاماتتى الىپ شىقتى», - دەپ حابارلادى ۆەدومستۆو ٶكٸلدەرٸ.
دەنساۋلىعى ورتاشا اۋىر جاعدايداعى زارداپ شەگۋشٸ جەدەل جەردەم قىزمەتكەرلەرٸنە تاپسىرىلدى.
