Shyǵys Qazaqstan oblysynda bir táýlik ishinde 135 aýyrǵan jaǵdai tirkelse, onyń 66-sy simptomdy, 69-y simptomsyz. Bul týraly Shyǵys Qazaqstan oblysynyń ákimi Danial Ahmetov oblystaǵy COVID-19 jaǵdaiy týraly tikelei efirde ótken brifingide aitty, dep habarlaidy QazAqparat.
«Úsh ai kóleminde el ishinde adamdar az aýyrǵan oblystyń biri boldyq. Biz bul jaǵdaidyń eń qiyn aǵymyna daiyndyqty bastaǵan edik. Birsypyra qajetti jabdyqtardy satyp aldyq. Naýqastar sany kúrt ósken kezde qajet bolatyn infektsiia jáne pravizorlyq tósek oryndardy daiyndadyq. Eń alǵashqy «A» jospary boiynsha ázirlengen algoritmge sáikes oblysta birinshi koronavirýs tirkelgen kezde 100 infektsiialyq, 411 pravizorlyq, 500 karantin orny ashyldy. Biz epidemiianyń taralý aýqymyn boljai otyryp «B», «S» jáne «G» josparyn ázirledik», - deidi oblys ákimi Danial Ahmetov.
Onyń aitýynsha, aýrýhanalardaǵy tósek-oryn tapshylyǵyna jol bermeý maqsatynda algoritm bekitilgen.
«Mysaly, qazirgi kezde infektsiialyq aýrýhanada 1 770 oryn, 1 896 provizorlyq oryn jáne 2 590 karantin orny bar. Búginde oblys boiynsha koronavirýs infektsiiasyn juqtyrǵan 2 313 jaǵdai tirkelgen. Onyń 1 242-i - simptomdy, 1 071-i - simptomsyz. Aýyrǵandar sany bir ai ishinde 5,3 esege ósken. Bir táýlik ishinde 135 aýyrǵan jaǵdai tirkelse, onyń 66-sy simptomdy, 69-y simptomsyz. Semei qalasynda aýyrǵandar sany azaiǵanyn, al Óskemende kóbeiip kele jatqanyn baiqap otyrmyz», - deidi ol.
