Shyǵys Qazaqstan oblysynda alapat órtpen kúres áli de jalǵasýda, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 11 mamyrda tańǵy saǵat 7:00-de Leshoz kentindegi órtengen úiler tolyq sóndirildi. Biraq ormanda tilsiz jaýmen kúres áli jalǵasyp jatyr. Tikushaqpen barlaý barysynda ashyq janyp jatqan jalyn baiqalmaǵan.
«Jalpy órtti aýyzdyqtaýǵa jeke quramnan 500-ge jýyq adam men 69 tehnika jumyldyrylǵan. Onyń ishinde departament qyzmetkerleri, ormanshylar, jergilikti atqarýshy organ ókilderi jáne politseiler bar. Órt saldarynan bir adam kóz jumyp, ekeýi jaraqat alǵan», - dep habarlady vedomstvo ókilderi.
Esterińizge sala ketsek, 10 mamyr kúni ShQO-daǵy Ridder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke bailanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
