شىعىس قازاقستان وبلىسىندا الاپات ٶرتپەن كٷرەس ەلٸ دە جالعاسۋدا, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 11 مامىردا تاڭعى ساعات 7:00-دە لەسحوز كەنتٸندەگٸ ٶرتەنگەن ٷيلەر تولىق سٶندٸرٸلدٸ. بٸراق ورماندا تٸلسٸز جاۋمەن كٷرەس ەلٸ جالعاسىپ جاتىر. تٸكۇشاقپەن بارلاۋ بارىسىندا اشىق جانىپ جاتقان جالىن بايقالماعان.
«جالپى ٶرتتٸ اۋىزدىقتاۋعا جەكە قۇرامنان 500-گە جۋىق ادام مەن 69 تەحنيكا جۇمىلدىرىلعان. ونىڭ ٸشٸندە دەپارتامەنت قىزمەتكەرلەرٸ, ورمانشىلار, جەرگٸلٸكتٸ اتقارۋشى ورگان ٶكٸلدەرٸ جەنە پوليتسەيلەر بار. ٶرت سالدارىنان بٸر ادام كٶز جۇمىپ, ەكەۋٸ جاراقات العان», - دەپ حابارلادى ۆەدومستۆو ٶكٸلدەرٸ.
ەستەرٸڭٸزگە سالا كەتسەك, 10 مامىر كٷنٸ شقو-داعى ريددەر ورمان شارۋاشىلىعىندا ٶرت شىقتى. دالا ٶرتٸ 310 گەكتار اۋماقتى شارپىپ, 1 ادام قازا تاپتى. ٶرتكە بايلانىستى شۇعىل جەلٸ ٸسكە قوسىلدى.
مەملەكەت باسشىسى ٷكٸمەت پەن شىعىس قازاقستان وبلىسىنىڭ ەكٸمدٸگٸ ٶرتتەن زارداپ شەككەن لەسحوز كەنتٸنٸڭ تۇرعىندارىنا كٶمەك كٶرسەتٸپ, باسپانامەن قامتاماسىز ەتۋدٸ تاپسىردى.
