Foto: ashyq derekkóz
Qarjylyq monitoring agenttiginiń Shyǵys Qazaqstan oblysy boiynsha departamenti «QazConstructions» JShS basshylyǵyna qatysty sotqa deiingi tergeý júrgizip jatyr, dep habarlaidy Ult.kz.
Tergeý 7 aýdandaǵy 11 áleýmettik nysan qurylysyna bólingen biýdjet qarajatyn jymqyrý deregi boiynsha bastalǵan.
Kúdiktilerdiń qatarynda kompaniianyń burynǵy direktor orynbasary jáne Kúrshim aýdany máslihatynyń depýtaty bar.
Atalǵan jobalar halyqtyń ómir sapasyn jaqsartýǵa jáne bos ýaqytty tiimdi ótkizýge baǵyttalǵan edi. Alaida kúdiktilerdiń áreketinen tórt dene shynyqtyrý-saýyqtyrý kesheni men 20 myńnan astam adam turatyn jeti aýyldy sýmen qamtamasyz etýge arnalǵan sý qubyry jelileri paidalanýǵa berilmei qalǵan.
Tergeý materialdaryna sáikes, 2 mlrd teńgeden astam qarjy bailanysty kompaniialar arqyly qolma-qol aqshaǵa ainaldyrylǵan.
Qylmystyq jolmen alynǵan aqshaǵa Astanadaǵy elitalyq turǵyn úilerden páterler, sondai-aq «Lamborghini Urus», «Cadillac Escalade», «Mercedes» markaly avtokólikter jáne asyl tuqymdy jylqylar satyp alynǵan. Bul múlikke sot sanktsiiasymen tyiym salyndy.
Eki kúdikti eki ai merzimge qamaýǵa alyndy.
Tergeý jalǵasýda. QR QPK-niń 201-babyna sáikes ózge aqparat jariia etilmeidi.
