Almatyda 37 jastaǵy politsiia qyzmetkeri Aslan Álserovtiń qazasyna bailanysty qozǵalǵan qylmystyq is boiynsha tergeý aiaqtaldy. Is materialdary sotqa joldaý máselesin qaraý úshin prokýratýraǵa tapsyryldy, dep habarlaidy ult.kz.

Ishki ister ministrliginiń málimetinshe, sotqa deiingi tergeý 29 qyrkúiekte aiaqtalǵan. Qylmystyq is Qylmystyq kodekstiń 99-baby 2-bóligi, iaǵni aýyrlatatyn mán-jailarda adam óltirý boiynsha tergelgen.

Vedomstvo tergeý qupiiasyna bailanysty oqiǵanyń ózge mán-jaiyn jariia etpedi.

Aita keteiik, Órtengen politseidiń otbasylyq qupiiasy málim boldy.

Ne jaǵdai boldy? 
 

Eske salaiyq, qaiǵyly oqiǵa 23 maýsymda belgili bolǵan. Almaty oblysyndaǵy Kókpek – Kóktal – Kegen tasjolynyń 52-shaqyrymynda malshy órtengen adamnyń máiitin taýyp alǵan. Keiin onyń Almaty qalasy Áýezov aýdandyq politsiia basqarmasynda aǵa jedel ýákil bolyp qyzmet etken Aslan Álserov ekeni anyqtaldy.

Tergeý boljamyna sáikes, qylmys Almatydaǵy otbasy turatyn páterde jasalǵan bolýy múmkin. Keiin qylmystyń izin jasyrý maqsatynda marqumnyń denesi shamamen 300 shaqyrym qashyqtyqtaǵy taýly aimaqqa jetkizilip, órtelgen degen nusqa qarastyrylǵan.

Atalǵan iske bailanysty politsiia qyzmetkeriniń áieli men 14 jastaǵy uly kúdikke ilingen. Buǵan deiin jariialanǵan aqparatta marqumnyń jubaiy buryn quqyq qorǵaý organdarynda qyzmet atqarǵany aitylǵan.