فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ شىعىس قازاقستان وبلىسى بويىنشا دەپارتامەنتٸ «QazConstructions» جشس باسشىلىعىنا قاتىستى سوتقا دەيٸنگٸ تەرگەۋ جٷرگٸزٸپ جاتىر, دەپ حابارلايدى Ult.kz.
تەرگەۋ 7 اۋدانداعى 11 ەلەۋمەتتٸك نىسان قۇرىلىسىنا بٶلٸنگەن بيۋدجەت قاراجاتىن جىمقىرۋ دەرەگٸ بويىنشا باستالعان.
كٷدٸكتٸلەردٸڭ قاتارىندا كومپانييانىڭ بۇرىنعى ديرەكتور ورىنباسارى جەنە كٷرشٸم اۋدانى مەسليحاتىنىڭ دەپۋتاتى بار.
اتالعان جوبالار حالىقتىڭ ٶمٸر ساپاسىن جاقسارتۋعا جەنە بوس ۋاقىتتى تيٸمدٸ ٶتكٸزۋگە باعىتتالعان ەدٸ. الايدا كٷدٸكتٸلەردٸڭ ەرەكەتٸنەن تٶرت دەنە شىنىقتىرۋ-ساۋىقتىرۋ كەشەنٸ مەن 20 مىڭنان استام ادام تۇراتىن جەتٸ اۋىلدى سۋمەن قامتاماسىز ەتۋگە ارنالعان سۋ قۇبىرى جەلٸلەرٸ پايدالانۋعا بەرٸلمەي قالعان.
تەرگەۋ ماتەريالدارىنا سەيكەس, 2 ملرد تەڭگەدەن استام قارجى بايلانىستى كومپانييالار ارقىلى قولما-قول اقشاعا اينالدىرىلعان.
قىلمىستىق جولمەن الىنعان اقشاعا استاناداعى ەليتالىق تۇرعىن ٷيلەردەن پەتەرلەر, سونداي-اق «Lamborghini Urus», «Cadillac Escalade», «Mercedes» ماركالى اۆتوكٶلٸكتەر جەنە اسىل تۇقىمدى جىلقىلار ساتىپ الىنعان. بۇل مٷلٸككە سوت سانكتسيياسىمەن تىيىم سالىندى.
ەكٸ كٷدٸكتٸ ەكٸ اي مەرزٸمگە قاماۋعا الىندى.
تەرگەۋ جالعاسۋدا. قر قپك-نٸڭ 201-بابىنا سەيكەس ٶزگە اقپارات جارييا ەتٸلمەيدٸ.
