Foto: ashyq derekkóz
Shyǵys Qazaqstan oblysynyń Jolaýshylar kóligi jáne avtomobil joldary basqarmasynyń basshysy para aldy jáne laýazymdyq ókilettikterin teris paidalandy degen kúdikpen ustaldy, dep habarlaidy Ult.kz.
UQK Sybailas jemqorlyqqa qarsy is-qimyl qyzmetiniń málimetinshe, tergeý barysynda basshy jol qurylys kompaniialary men avtobýs parkteriniń ókilderinen jalpy somasy 134 million teńge kóleminde zańsyz syiaqy alǵany anyqtalǵan.
Tintý kezinde kúdiktiniń turǵyn úiinen 121,9 million teńge jáne 97,7 myń AQSh dollary tárkilendi.
Sonymen qatar atalǵan óńirdegi Bilim salasynda sapany qamtamasyz etý departamentiniń basshysyna qatysty da qylmystyq is qozǵalǵan. Ol muǵalimderdiń memlekettik attestattaýdan ótýine járdemdesý úshin júieli túrde aqshalai qarajat alyp otyrǵan degen kúdikke ilindi.
Sot sanktsiiasymen atalǵan tulǵalar qamaýǵa alyndy. Qylmystyq-protsestik kodekstiń 201-babyna sáikes tergeý múddesine bailanysty ózge aqparat jariia etilmeidi.
