Shyǵys Qazaqstan oblysynda sekýndyna 30 metrge jetetin kúshti jel turyp, kóptegen ǵimarattar men kólikter qirady. Óskemende julynyp ketken shatyr kólikterdiń ústine túsken, jelden jarnama qurastyrmalary qirap, aialdamalar men aǵashtardy qulatqan, - dep habarlaidy "Ult aqparat" kaz.tengrinews.kz portalyna silteme jasap.
Daýyl 10-15 minýttai ýaqyt bolǵan. Áleýmettik jelilerdegi habarlamalarǵa qaraǵanda, óńirdiń barlyq jerinde de turǵyndar jeldiń bolǵanyn aityp otyr. Qoldanýshylar qulaǵan aǵashtar, qiraǵan aialdamalar jáne búlingen kólikterdi sýretke jáne videoǵa túsirip, redaktsiiaǵa joldady.
ShQO TJD málimetinshe, óńirdiń keibir jerlerinde uiytqyǵan jel jyldamdyǵy sekýndyna 30-35 metrge deiin jetken.
"Qazir óńirdiń túrli jerinen daýyldyń saldary jaily habar alyp jatyrmyz. Kúshti jel Jarma, Ulan aýdandaryndaǵy ǵimarattardyń shatyryn ushyryp áketken. Osyndai habarlamalar Óskemennen de túsip jatyr. Qazirgi ýaqytta bul málimetterdiń barlyǵyn jinastyryp, jaǵdaidyń mán-jaiyn anyqtap jatyrmyz. Munyń aldynda taralǵan eskertý boiynsha óńirde jeldiń óti sekýndyna 30 metrge jetken", - dep habarlady TJD ókilderi. ketken kólik videoǵa túsip qaldy Astanada avtobýspen soǵysqan Lexus aýdarylyp qaldy.
